Չեմպիոնների լիգա. E խմբի հանդիպումների նախախաղային տեսություն

ՍՊՈՐՏ 14 Սեպտեմբեր, 2016 17:00

Չեմպիոնների լիգայի խաղարկությունում, 2-րդ խաղային օրը պայքարի մեջ կմտնեն վերջին 4 խմբերի 8 զույգերը, ինչպես նաև կկայանա 1-ին խաղային օրվանից հետաձգված ՝ «Մանչեսթեր Սիթի»-«Բորուսիա Մյունխենգլադբախ» հանդիպումը: «Արմենպրես»-ը ներկայացնում է յուրաքանչյուր խմբի նախախաղային տեսությունը:

E խմբի առաջին զույգում «Մոնակո»-ն սեփական դաշտում կխաղա անգլիական «Տոտենհեմ»-ի հետ: «Մոնակո»-ն հիանալի է սկսել Ֆրանսիայի առաջնությունը և 4 տուրից հետո գլխավորում է մրցաշարային աղյուսակը: Լոնդոնյան «Տոտենհեմ»-ը աստիճանաբար կարգավորում է մրցաշարային գործերն Անգլիայի առաջնությունում և այս պահին ընթանում է 5-րդ հորիզոնականում: Երկու ակումբները չեմպիոնների լիգայի խաղարկության շրջանակում հանդիպել են երկու անգամ: 2015 թվականին թիմերը խաղացին խմբային մրցաշարում: Սեփական հարկի տակ մոնեգացիները կարողացան հանդիպո ւմն ավարտել 1-1 հաշվով: Ֆրանսիացիների կազմում գոլի հեղինակ դարձավ Ստեֆան Էլ Շարավին, իսկ լոնդոնյան ակումբից աչքի ընկավ Էրիկ Լամելան: Թիմերի միջև պատասխան խաղում «Տոտենհեմ»-ը սեփական դաշտում հաղթեց 4-1 հաշվով: Այս խաղում դուբլի հեղինակ դարձավ Էրիկ Լամելան, իսկ Ստեֆան Էլ Շարավին իր թիմի միակ գնդակը հեղինակեց:

«Մոնակո»-ն անգլիական ակումբների հետ եվրոպական մրցասպարեզում հանդիպել է 7 անգամ, կարողացել է հաղթել 3-ում, 2 պարտություն է կրել և 2 խաղ էլ ավարտվել է ոչ-ոքի: Իսկ ահա «Տոտենհեմ»-ը ֆրանսիական ակումբների հետ անցկացրած 4 խաղում էլ կարողացել է հաղթել: Բուքմեյքերական ընկերությունների դիմակայությունում ֆավորիտ են համարում «Տոտենհեմ»-ին:

Խմբի մյուս խաղում միմյանց հետ հանդիպելու են գերմանական «Բայեր»-ը և ռուսական «ԲԿՄԱ»-ն: Ակումբները երբևէ չեն հանդիպել միմյանց հետ: Գերմանական ակումբը Ռուսաստանը ներկայացնող թիմերի հետ եվրոպական մրցասպարեզում հանդիպել է 3 անգամ. 2 հաղթանակ, 1 պարտություն: Իսկ ահա ռուսական ակումբը գերմանական ակումբների հետ մրցել է 5 անգամ. 2 հաղթանակ, 3 պարտություն: «Բայեր»-ը բունդեսլիգայում 2 խաղում մեկ հաղթանակ է տարել, իսկ ահա «ԲԿՄԱ»-ն Ռուսաստանի առաջնության 6 տուրից հետո ընթանում է 2-րդ տեղում: Բուքմեյքերական ընկերություննրը դիմակայությունում ֆավորիտ են համարում «Բայեր»-ին: