ՆԱՏՕ-ում համոզված են, որ Թուրքիայում խռովության հետաքննության ժամանակ իրավունք չի խախտի

Թուրքիան կպահպանի իրավական նորմերը երկրում հեղաշրջման փորձի հետաքննության ընթացքում: Այս մասին Անկարայում հայտարարել է ՆԱՏՕ-ի գլխավոր քարտուղար Յենս Ստոլտենբերգը Թուրքիայի ԱԳ նախարար Մեւլութ Չավուշօղլուի հետ համատեղ մամուլի ասուլիսում, փոխանցում է «ՌԻԱ Նովոստի»-ն:

«Նրանք, ովքեր մասնակցել են հեղաշրջման փորձին, պետք ըստ կարգի դատարանի առաջ կանգնեն: Ուրախ եմ, որ Դուք՝ նախարար Չավուշօղլու, եւ Թուրքիայի այլ առաջնորդներ ընդգծել եք այն փաստի կարեւորությունը, որ այդ դատավարությունը պետք է ընթանա Թուրքիայի ստանձնած միջազգային պարտավորություններին համապատասխան: Համոզված եմ, որ Թուրքիան կկատարի իրավունքի գերակայության ոլորտում իր պարտավորություները եւ կպահպանի ժողովրդավարական արժեքները, որոնք մեր դաշինքի առանցքում են»,- ասել է Սթոլթենբերգը:

Նրա խոսքով՝ եթե հեղաշրջումը հաջողվեր, ապա դա աղետ կլիներ ոչ միայն Թուրքիայի, այլեւ ամբողջ դաշինքի համար: Նա նաեւ հայտնել է, թե ապշահար էր Թուրքիայի խորհրդարան կատարած այցելությամբ:

«Ես ցնցված էի՝ տեսնելով այն վնասվածքները, որոնք հեղաշրջման փորձի ընթացքում իրականացված ավիահարվածների հետեւանք էին: Ազգային խորհրդարանը գնդակոծելը, երբ այնտեղ են գտնվում խորհրդարանականները, դա ոչ թե հարձակում է անմեղ մարդկանց վրա, այլ հարձակում է ժողովրդավարական ինստիտուտների ամենակարեւոր խորհրդանիշներից մեկի եւ ժողովրդավարական հասարակության վրա»,- նշել է գլխավոր քարտուղարը: