Մարինկա Խաչատրյանը պատմում է Արաբո Իսպիրյանի հետ ունեցած սիրո պատմության մասին

Tert.am Life.am-ը գրում է.

Շանթ հեռուստաընկերության «Փոխնակ մայր» հեռուստասերիալի դերասանուհի Մարինկա Խաչատրյանը երեկ դարձել է 19 տարեկան: Պարզվում է, որ 19-ամյա գեղեցկուհին բավականին լուրջ նվեր է ստացել՝ մեքենայի տեսքով:

 Tert.am Life-ը զրուցեց Մարինկայի հետ ծննդյան տարեդարձի, նվերների, վերջին շրջանում նրա անվան շուրջ հյուսված սիրո պատմության մասին: Մանրամասները՝ զրույցում:

  -Երեկ Ձեր ծննդյան տարեդարձն էր: Ինչպե՞ս նշեցիք:

 -Կեսգիշերին նկարահանման էի, որտեղ էլ ստացա առաջին շնորհավորանքներն  ու ծաղիկները: Ընկերներս անակնկալ էին պատրաստել՝ փուչիկներով, տորթով ու նվերներով գիշերը եկան մեր տուն: Իսկ առավոտյան կրկին շտապեցի նկարահանման հրապարակ՝ տոնական մթնոլորտում աշխատելու: Տարեդարձս ռեստորանում չեմ նշել: Երեկոն ընտանիքիս ու ընկերներիս հետ եմ անցկացրել: Որոշել եմ տարեդարձս տոնելը թողնել 20 ամյակիս:

 

 -Նվերների հարցում կարծես բողոքներ չունեք:

 -Այո, շատ-շատ նվերներ եմ ստացել: Բայց ամենանկատելի նվերս մեքենան էր, որն ինքս ինձ եմ նվիրել: Նպատակներիցս ամենափոքրը երևի մեքենա գնելն էր, քանի որ շատ նպատակներ ունեմ ու վստահ եմ, որ աստիճանաբար իրականացնելու եմ: Անսահման ցանկություն ունեի, որ հենց տարեդարձիս օրը գնեմ մեքենա:

  -Մեքենա վարել գիտե՞ք և վարորդական իրավունք ունե՞ք:

 -Շատ վարժ չեմ վարում, բայց սովորեցրել են: Վարորդական իրավունք էլ բնականաբար ունեմ: Ենթադրում եմ, որ լավ վարորդ դառնալու համար շատ ժամանակ է անհրաժեշտ: Կարծում եմ, որ վարժ վարորդ կդառնամ միայն սեփական մեքենայով վարելու ընթացքում:

 

 -19 տարեկանում այդքան էլ հեշտ չէ գումար վաստակելը: Մեքենան սեփական միջոցներով եք գնե՞լ:

 -Այո, իհարկե: Ամենամեծ նպատակը հենց դա էր, որ կարողանայի ինքս գնել:

  -Երիտասարդ աղջիկների տարեդարձերին միշտ երկրպագուներ են բացահայտվում: Այս տարի բացահայտում եղա՞վ:

 -Որքան էլ, որ տարօրինակ էր, բայց ո՛չ: Երևի այս տարի ամենաքիչ ռոմանտիկ տարին էր: Կարծում եմ՝ իմ հայտնի լինելու փաստից տղաները կոմպլեքսավորվում են: Երբ հայտնի չէի ավելի շատ նվերներ ու ծաղիկներ էի ստանում, քան այս տարվա տարեդարձիս:

 

 -Երկրպագուներից խոսեցինք: Վերջերս նկարահանվել էիք Արաբո Իսպիրյանի «Աննաման» տեսահոլովակում և սկսեցին լուրեր պտտվել, որ սիրային հարաբերությունների մեջ եք երգչի հետ, իսկ իրականո՞ւմ:

 -Իրականում շատ ջերմ ու ընկերական հարաբերությունների մեջ եմ Արաբոյի հետ: Նրա հետ ծանոթացել եմ հենց նկարահանման հրապարակում: Երկուսիս համար էլ անակնկալ էր, որ մենք համարվում ենք սիրահար զույգեր: Իսկապես ոչինչ չկա մեր մեջ:)

 

 

Նյութը՝ Անահիտ Կասամանյանի