Հիլարի Քլինթոնը պահպանում է ոչ մեծ առավելությունը համազգային հարցումներում

 Հասարակական կարծիքի համազգային հարցման արդյունքները, որոնք հրապարակվել են Rasmussen Reports հետազոտական ծառայության կողմից, վկայում են Դեմոկրատական կուսակցությունից նախագահի պաշտոնի թեկնածու Հիլարի Քլինթոնի ոչ մեծ առավելության (4 տոկոս) մասին այն դեպքում, երբ առանձին նահանգներում հարցումներն առաջնությունը տալիս են Դոնալդ Թրամփին, տեեկացնում Է«Արմենպրես»-ը:

Rasmussen Reports-ի հարցման համաձայն, Հիլարի Քլինթոնին պատրաստ Է աջակցել հարցվածների 43 տոկոսը, Դոնալդ Թրամփին՝ 39 տոկոսը, Լիբերտարիանական կուսակցությունից նախագահի պաշտոնի թեկնածու Հերի Ջոնսոնին՝ 9 տոկոսը եւ «կանաչների» թեկնածու Ջիլ Սթեյնին՝ 2 տոկոսը: «Քլինթոնի այս արդյունքը լավագույնն Է վերջին մեկ ամսվա ընթացքում,-նշել են հարցման կազմակերպիչները:-Սակայն նախընտրական պայքարի լարվածությունը պահպանվում Է, քանի որ հարցման անճշտությունը կազմում Է մոտավորապես 3 տոկոս»:

Մինչդեռ Քուինիփեքի համալսարանի հետազոտական ծառայության անցկացրած հարցումը ցույց Է տվել, որ երկու հիմնական թեկնածուները հավասար ցուցանիշներ ունեն: Նրանց աջակցում Է հարցվածների 47-ական տոկոսը: Օհայոյի նահանգում Քուինիփեքի համալսարանի հարցումն ի հայտ Է բերել Դոնալդ Թրամփի առավելությունը, նրան պատրաստ Է աջակցել 41 տոկոսը, Հիլարի Քլինթոնին՝ 37 տոկոսը, Լիբերտարիանականների թեկնածուին՝ 14 տոկոսը եւ «կանաչների» թեկնածուին՝ 4 տոկոսը: Եթե այս ցուցակից բացառվեն երկու ակնհայտ հետնապահները, ապա Թրամփի առավելությունը դառնում Է նվազագույն՝ 46 տոկոս առ 45 տոկոս:

Հյուսիսային Կարոլինայի նահանգում Suffolk հետազոտական ծառայության կողմից անցկացված հարցումը ցույց Է տվել, որ Թրամփին աջակցում Է 44 տոկոսը, Քլինթոնին՝ 41 տոկոսը եւ Ջոնսոնին՝ 4 տոկոսը:

Օրեգոնի նահանգում DHM Reasearch հետազոտական կազմակերպության անցկացրած հարցումը վկայում Է Քլինթոնի մեծ առավելության մասին. այդ նահանգում Քլինթոնին աջակցում Է ընտրողների 38 տոկոսը, Թրամփին՝ 25 տոկոսը, Ջոնսոնին՝ 10 տոկոսը եւ Սթեյնին՝ 3 տոկոսը, հաղորդել Է ՏԱՍՍ-ը: