«Կարծում եմ և ես և Սիրուշոն արդեն հոգնել ենք այս...». աստղային համեմատությունների հերթական զոհերը Սիրուշո՞, թե՞ Էմմի

Հայկական շոու-բիզնեսն այսօր պայքարում ու պատերազմում է: Հետաքրքիրը այն է, որ հենց շոու-բիզնեսի ներկայացուցիչներն են խոստովանում, որ միայն մեզ մոտ են իրար հետ պատերազմում ու պայքարում:

Այս անգամ համեմատության զոհերը Հայաստանի, թերևս լավագույն երգչուհիներից երկուսն են. Սիրուշո և Էմմի: Արդեն ավանդույթ է դարձել, երբ սկսում են համեմատել այս երգչուհիներին:

Այն դեպքում, երբ աղջիկները նույն միջավայրում են եղել մանկուց և մտերմության փուլեր են եղել, հայ հասարակությունը չէր կարող միանգամից հանդուրժել երկու հաջողակ կատարողի:

Դիվանագիտական իր ողջ կարողությունները օգտագործելով Սիրուշոն երբեք որևէ հարցազրույցում որևէ կերպ չանդրադարձավ այս թեմային և Էմմի հետ կապված բացասական գնահատականներ երբեք չտվեց:

Ի տարբերություն Սիրուշոյի` Էմմին իր հարցազրույցներից մեկում խոսել է այս թեմայի մասին և տվել սպառիչ ու համապարփակ պատասխան, բոլոր նրանց համար, ովքեր ցականում են որևէ կերպ հակամարտություն ստեղծել երգչուհիների մեջ:

«Կարծում եմ` և ես և Սիրուշոն արդեն հոգնել ենք այս իրավիճակից, որովհետև մենք երբեք թշնամիներ չենք եղել և չէինք կարող լինել: Մեզ համար մանկությունը ավելի կարևոր է, քան այն, թե ինչ ենք անում մենք բեմում»: 

Երգչուհիների պատմական հանդիպումն էլ եղավ  «Եվրատեսիլի» հայաստանյան նախաընտրական փուլին: Սիրուշոն եկել էր հաջողություն մաղթելու իր կոլեգային:

Հերթական սկանդալի առիթ հանդիսացավ այն, որ Էմմին «Երաժշտության շաբաթ Երեւանում»-ի գալա համերգին ներկայացավ կարմիր զգեստով, որը բավականին նման էր Սիրուշոյի նախկինում կրած կարճ փայլուն զգեստների հետ: 

«Իմ ցանկությամբ Անահիտ Սիմոնյանի ատելյեում կարվել է կարմիր փայլուն զգեստ, որի ձեւվածքը որոշելիս որեւէ երգչուհու հանդերձանք չենք ուսումնասիրել: Եթե խոսքը փայլուն կտորի մասին է, ապա այն շատերն են նախընտրում: Այսպիսի զգեստ բոլոր երգիչներն էլ բեմում կրում են եւ կրել են, նույնիսկ` մայրս»: Հարցազրույցներից մեկի ժամանակ նշել է երգչուհին:

Չնայած այս խոսակցություններին ու ասեկոսեներին, հենց իրենք` երգչուհիները, չեն պատերազմում և երբեք էլ չեն պատերազմել: