Սոնա Շահգելդյանի, Անահիտ Սիմոնյանի, Իրինա Թովմասյանի և Սիլվա Հակոբյանի դպրոցական լուսանկարները

Life.tert.am-ը գրում է.

Երբ գալիս է սեպտեմբերը… հատկապես մեծահասակներ, ովքեր դպրոցն ավարտել են ժպիտով են հիում իրենց «Առաջին քայլերի»:

Tert.am Life-ն այս անգամ մեր շոու-բիզնեսի հայտնի և սիրված ներկայացուցիչների հետ էլ փորձեցինք վերհիշել դպրոցական ուրախ տարիները, թերթել «Առաջին քայլերը»: Նրանցից ոմանք այնքան էլ լավ չեն հիշում այդ օրը, իսկ ոմանք էլ հիշում են նույնիսկ ամենաաննշան մանրուքները:

Սոնա Շահգելդյան

Սոնա Շահգելդյանը սովորել է Ստեփան Զարյանի անվան դպրոցում, որտեղ երգչուհու տատիկը դասավանդել է պատմություն: Ինչպես Սոնան է նշում, նա շատ լավ է հիշում իր առաջին քայլեր:

«Սեպտեմբերի մեկին մեծ ոգևորությամբ և ուրախ տրամադրությամբ եմ գնացել: Մասնակցել եմ միջոցառմանը և երգել դպրոցի մասին երգեր: Դեռևս փոքրուց սիրում էի երգել: Հիմա շատ բաներ է փոխվել դպրոցում: Այն ժամանակվա դպրոցի համն ու հոտը ուրիշ էր: Կցանկանայի ժամանակը հետ տալ և վերապրեի դպրոցական տարիները: Շատ եմ սիրել իմ դասարանը, դասընկերներիս, որոնց հետ մինչ օրս շփվում եմ»,- ասաց Սոնան:

Երգչուհու խոսքով` ինքը լավ է սովորել դպրոցում. «Ավելի շատ սիրել եմ հումանիտար առարկանները: Եվ միշտ բարձր գնահատականերով եմ տուն վերադարձել: Կապ չուներ տատիկս այդ տպրոցում էր աշխատում, բոլոր ուսուցիչներս գնահատում էին` ըստ իմ պատասխանի»:

Սոնան դպրոցում շատ ակտիվ է եղել. «Երբեմն կազմակերպում էի, որ ամբողջ դասարանով փախնեինք դասից: Տատիկս առաջինն իհարկե իմ վրա էր զայրանում: Նա շատ խիստ էր, բայց դե դա դպրոցական չարաճճիություն է: Հիշում եմ, որ իմ դասարանի երեխաներին տանում էի բուֆետ ու տատիկիս հաշվին հյուրասիրում էի բոլորին»:

Դպրոցական սեր, առաջին սիրահարվածություն. յուրաքանչյուրը դպրոցական հասակում զգացել են և բացառություն չի եղել Սոնան:

«Շատ երկրպագուներ եմ ունեցել, որոնք միշտ նամակներ էին ինձ գրում, բայց ես ոչ մեկի չէի ընդունում: Միայն մի տղա կար, որին հավանում էի իհարկե այդ զգացողությունը փոխադարձ է եղել, բայց դե դա պարզապես հրապուրանք է եղել, որն անցել է ժամանակի ընթացքում: Շատ ծիծաղելի էր, երբ երկրպագուներս զանգում էին մեր տուն ու չէին խոսում:  Դե ասա, խոսացեք, բա ինչի համար եք զանգել»,- նշեց Սոնան:

Սիլվա Հակոբյան

Վայքի մինակարգ դպրոցում է սովորել Սիլվա Հակոբյանը: Նա դպրոց է գնացել 6 տարեկանից:

«Սեպտեմբերի 1-ին ես մասնակցել եմ դպրոցի միջոցառմանը, երգելով դպրոցական երգ, այդ ժամանակ ուսուցիչներից մեկը ինձ հարցրեց, թե ինչու չեմ գալիս դպրոց, ասացի, որ ես դեռ շատ փոքր եմ, ասեց, որ իր դասարանում կան երեխաներ, որոնք 6 տարեկան են և դա պատճառ չի: Քանի որ ընկեր Աբգարյանին շատ էի սիրում, հենց հաջորդ օրը պապային ասեցի, որ ցանկանում եմ դպրոց գնալ, և առաջին դպրոցական դասն անցել է առանց գրենական պիտույքների, մինչև որ կգնեին: Դպրոցում ակտիվ եմ եղել: Հիշում եմ, որ առաջին դասարանի հանդեսի ժամանակ երգեցի քույրիկիս հեղինակած երգերից մեկը, որի մեջ կար մի հատված` «դու սրում ես բեղերդ և զայրանում ես ինձ վրա, դու պարզում ես ճանկերդ և զայրանում ես ինձ վրա»: Այդ երգի ժամանակ ձեռքիս օղերը պարզեցի մեր տնօրենի վրա, որը շատ ջղային մարդ էր: Շատերը կարծեցին, որ նա այլ կերպ դա կընդունի, սակայն նա ծիծաղեց: Դպրոցում բոլոր առարկաները սիրել եմ, բացի հանրահաշվից և քիմիայից: Բայց անգամ չսիրածս առարկաները ես միշտ պետք է պատրաստված գնայի դպրոց, թեկուզ արտագրելով»,- պատմեց Սիլվան:

Անահիտ Սիմոնյան

«Լավագույն հիշողություններս դպրոցական տարիների հետ է պապված: Առաջին դասարանը և ամեն տարի սեպտեմբերի 1-ին մեծ ոգուրությամբ եմ գնացել դպրոց, քանի որ մայրս այնպես էր անում, որ այդ օրը մեզ համար դառնար իսկական տոն: Միշտ նոր և գեղեցիկ հագուստներով էինք գնում: Դասից էլ ենք փախել, ուսուցչուհու աթոռին կնոպկաներ էլ ենք դրել: Բայց դրա հետ մեկտեղ լավ ենք սովորել: Շատ ընկերներ ունեմ դպրոցից, որոնց հետ մինչ օրս մոտ եմ: Դպրոցում ամենասիրածս առարկաները ռուսաց լեզուն  և գրականություն է եղել, իսկ ֆիզիկան, քիմիան, աշխարհագրությունը չեմ սիրել: Այդ առարկաները չեմ սիրել, այդ ուսուցիչներն էլ ինձ չեն սիրել: Դեռևս դպրոցական տարիքից միշտ ցանկացել եմ երգչուհի դառնալ: Անգամ դպրոցական սեղաններին գրում էի, որ երգչուհի եմ դառնալու: Դպրոցը ինձ համար առաջնահերթ կյանքի դպրոց է եղել: Դպրոցական տարիները աշխարհի ամենաքաղցր տարիներն են»,- պատմեց Անահիտը:

Իրինա Թովմասյան

Իրինա Թովմասյանը իր առաջին քայլերն արել է 132-րդ դպրոցում, այնուհետև վերջին 3 տարին լեզուների ուղղվածությամբ 149-րդում։ Միևնույն ժամանակ Իրինան սովերել է պատանի ժուռնալիստի դպրոցում:

«Այնքան վառ ու պարզ են մնացել հիշողություններս: Հիշում եմ առաջին օրը դպրոցի բակում ինչպես էի սպասում, թե երբ եմ ներս մտնելու, ներսում ինչ է լինելու, լավ տպավորված է դպրոցական հագուստս, առաջին ուսուցչուհուս։ Միշտ ուրախ էի ես հաճույքով էի դպրոց գնում: Մինչև 5-րդ դասարան գերազանց եմ սովորել, հետո մաթեմատիկաս միշտ 4 էր: Շատ եմ սիրել ռուսերենի և անգլերնի դասերը: Գրեթե բոլոր առարկաներն էլ սիրել եմ, բացի հանրահաշվից»,- պատմեց Իրինան:

Նրա խոսքով` առաջին անգամ դասից փախչելիս սթրես է տարել. «Շատ վատ էի ինձ զգում, երբ դասից փախել էի: Շատ լավ ընկերներ և շատ լավ հիշողություներ ունեմ դպրոցական տարիներին»:

Մելինե Տոնոյան