10 Նշան, որ դիմացինդ ստում է

Ստում են բոլորը՝ բանկի աշխատողները,  երեխաները և ծնողները, հանցագործները և ոստիկանները, իսկ ամենաշատy ստում են պաշտոնյաները, կարելի է ասել, որ դա նրանց աշխատանքի անբաժան մի մասն է: Այս հավաքածուի մեջ կարող եք գտնել ստախոսների վարքագծի մի քանի հատկանիշներ:

1.    Հայացք հատակին կամ ուղիղ աչքերիդ մեջ

Եթե անհատը ստում է, նա խուսափում է նայել աչքերիդ մեջ՝ իրեն չմատնելու համար: Սակայն ոմանք հակառակ այս ամենի նայում են ուղիղ աչքերիդ մեջ և ստում, ավելի ճշմարիտ երևալու համար:

2.    Անիմաստ խոսակցության ձգձգում էլ ավելի անիմաստ երկար արտահայտություններով

Ստախոսները խուսափում են կարճ, ուղիղ արտահայտություններից: Որքան հնարավոր է երկարեցնում են խոսակցությունը, որ ընթացքում ավելի իրենց սուտը հաստատող տարբերակներ գտնեն:

3.    Դիրքեր և ժեստեր

Մարմնի լեզուն շատ ավելի ճշմարտախոս է, քան խոսքը: Եթե մարդը շատ հաստատուն է խոսում, սակայն ընթացքում պարբերաբար դիպչում է դեմքին, կամ պտտվում է աթոռի վրա, խաղում է ձեռքերի հետ, լավ կլինի ստուգել նրա խոսքերի ճշմարտացիությունը:

4.    Ավելորդ մանրամասներ

Շատ հաճախ նրանք պատմության մեջ հիշատակում են տվյալ պահին չվերաբերող ավելորդ մանրամասներ, որն էլ պետք է հուշի ձեզ, որ նա փորձում է կոծկել ինչ – որ բան:

5.    «Ամենալավ պաշտպանությունը հարձակումն է»

Նա վիրավորվում է ձեր անվստահությունից, մոտակա մի քանի րոպեն կփորձի հաստատել իր անմեղությունը և թեման փոխել: Ճշմարտությունն ասող անձը կարիք չունի անհանգստանալու:

6.    Անհամապատասխանություններ տարբեր տարբերակներով

Ստախոսները հաճախ գունավոր նկարագրում են իրենց պատմությունը՝ զերծ մնալով պատմության բուն թեմայից:

7.    Աչքերի խաղը

Եթե հարցը տալուց անմիջապես հետո ձեզ պատասխանող անձը նայում է վերև, հետո ձախ դա հաստատում է նրա ստելու փաստը: Կարող եք համոզված լինել, որ նա փորձում է որևէ բան հիշել և հորինել իրեն հարմար տարբերակը: Եթե ձեր զրուցակիցը տեսողության հետ խնդիրներ չունի, կարող եք համոզված լինել, որ նա ստում է:

8.    Քրտինքի հոտ

Ավելի ստույգ, եթե ձեր զրուցակիցը խոսակցության ընթացքում քրտնում է, ապա հավանաբար նա ձեզ որևէ հարցում ստում է:  Զրուցակիցը կարող է նաև կարմրել և կակազել, դա փաստում է նրա շատ էմոցիոնալ լինելու կամ ստախոս լինելու մասին:

9.    Ակնթարթային ծամածռություններ

Եթե ցանկանում ես մարդուն «բռնել» սուտ խոսելիս, ապա պետք է ուշադիր հետևես նրա դիմախաղին: Դա կարող է լինել ծամածռված ժպիտ, չափից ավելի լուրջ դեմքի արտահայտություն…

Որպես կանոն այս ծամածռությունները տևում են մի քանի վայրկյան:

10.  Խոստովանության անիմաստ կրկնություն

Պատմությունն արդեն պատմել է, բայց հասկանում է, որ չեք հավատում իրեն… Սկսում է նորից պատմել այդ ամենը ավելի ընդգծված և գույներով կամ մի փոքր փոփոխված…