Սախալինի բժիշկները պայքարում են արջից վնասվածքներ ստացած տղամարդու կյանքի համար

Պորոնայսկի կենտրոնական շրջանային հիվանդանոցի բժիշկները պայքարում են արջից վնասվածքներ ստացած տղամարդու՝ արգելոցի տեսուչի կյանքի համար։ ՏԱՍՍ-ին այդ մասին հայտնել են բուժհաստատությունից, որտեղ տուժածին արհեստական շնչառության սարք են միացրել։

Ինչպես հաղորդում է «Արմենպրես»-ը,  ըստ Սմիրնիխովյան շրջանի միասնական կարգավարական ծառայության աշխատակցի՝ արջը հարձակվել է տղամարդու վրա, վերջինս կրակել է հրացանով, սակայն վիրավոր գազանը հասցրել է ծանր մարմնական վնասվածքներ հասցնել տղամարդուն։ Վիրավոր տեսուչը քվադրոցիկլով հասել է մինչև ձկնաբույծների մոտակա կեցավայրը։ Այնտեղից նրան հասցրել են հիվանդանոց։