Հայկ Մարությանի և Նատաշա Ռուդովայի «հայկական հարսանիքը» Դիլիջանում. Անդրանիկ Հարությունյանը ֆիլմի մանրամասների մասին

Tert.am Life-ը գրում է.

Հայկ Մարությանը, Հրանտ Թոխատյանը, Անդրանիկ Հարությունյանը, Նատաշա Ռուդովան նկարահանվել են «Счастья! Здоровья!»  հայ-ռուսական  համատեղ կատագերգական նովելում: 

Ֆիլմը բաղկացած է 3 մասից: Նկարահանումներն անցկացվել և անցկացվելու են Ռուսաստանում, Հայաստանում և Վրաստանում: Կատակերգական նովելը պատմում է, թե ինչպես են անցնում հարսանիքները տարբեր երկրներում: Հայկական հատվածի ռեժիսորներն են Արման Մարությանն ու Վահագն Խաչատրյանը:

Tert.am Life-ի հետ զրույցում դերասան Անդրանիկը ասաց, որ հայկական հատվածի նկարահանումներն ավարտվել են:

«Նկարահանումներն իրականցրել ենք Դիլիջանում 15 օրվա ընթացքում: Ֆիլմի գլխավոր դերակատարը Հայկ Մարությանն է, ով մարմնավորում է Արթուրի կերպարը: Վերջինս իր ընկերուհու հետ գալիս է գյուղ և տատիկի հորդորներով գյուղում ամուսնանում է: Արթուն ու իր ընկերուհին այդ հարսանիքը չէին նախատեսել, իսկ ես մարմնավորում եմ Սամվելի կերպարը, ով Արթուրի մանկության ընկերն է: Հենց Սամվելին էլ հարսանիքի քավոր են նշանակում»,- պատմեց Անդրանիկը:

 

Վերջինիս խոսքով` Սամվելն անհաջողակ գյուղացի է, որը ոչ մի բանի չի հասել: Նա չի կարողանում խոսել ռուսերեն, բայց Նատաշայի հետ ստիպված խոսում է:

«Սամվելի կերպարը, ի տարբերություն Արթուրի ծիծաղելի կերպար է: Արթուրն ավելի լուրջ և հաջողակ է»,- ավելացրեց Անդրանիկը:

Հրանտ Թոխատյանը մարմնավորում է Արթուրի հոր կերպարը:

Նշենք, որ ֆիլմը ռուսալեզու է, նախատեսված ԱՊՀ երկրների կինոթատրոններում ցուցադրելու համար: Պրեմիերան նախատեսված է այս աշնանը կամ հաջորդ գարնանը՝ Ռուսաստանում: Հայստանում նկարահանված ֆիլմի  հատվածի տևողությունը 25-30 րոպե է:  

 

Մելինե Տոնոյան