Իտալիայում երկրաշարժի զոհերի թիվը հասել է 84-ի

 Իտալիայում տեղի ունեցած երկրաշարժի հետևանքով զոհվածների թիվը հասել Է 84-ի: Ինչպես փոխանցում է «Արմենպրես»-ը, վկայակոչելով «Ռիա-նովոստի»-ն, Իտալիայի քաղաքացիական պաշտպանության ծառայության ղեկավար Ֆաբրիցիո Կուրչոն, ով երկրի վարչապետ Մատեո Ռենցիի հետ գտնվում է երկրաշարժի էպիկենտրոնից ոչ հեռո գտնվող Ամատրիչե քաղաքում, տեղեկացրել , որ միայն այս քաղաքում և մոտակա Ակկումոլիում զոհվել է նվազագույնը 60 մարդ:

Գրեթե միաժամանակ Մարկե շրջանի քաղաքացիական պաշտպանության ծառայությունը հայտարարել է, որ այս տարածաշրջանում զոհվել է 24 մարդ: Բացի այդ, բազմաթիվ մարդիկ մինչ այժմ համարվում են անհետ կորած և նրանց հստակ թիվը ճշգրտել դեռևս հնարավոր չի համարվում:    

Ի հիշատակ երկրաշարժի զոհերի` Իտալիայում իջեցվել են երկրի պետական և Եվրամիության դրոշները:  

6,0 մագնիտուդով առաջին ստորգետնյա ցնցումը, սեյսմոլոգների տվյալներով, տեղի է ունեցելտեղական ժամանակով ժամը 03:36-ին (Երեւանի ժամանակով ժամը 05:36-ին):

Երկրաշարժի էպիկենտրոնը գտնվում էր Լացիո մարզի Ակումոլի քաղաքի մոտ՝ 4 կիլոմետրխորության վրա: 5,4 մագնիտուդովերկրորդ ցնցումը գրանցվել է ժամը 04:34-ին Ումբրիայիմարզում: Երկրի մակերեւույթի ցնցումներ է զգացվել ԿենտրոնականԻտալիայի մի շարքքաղաքներում, այդ թում՝ Հռոմում եւ Բոլոնիայում: Ավերածություններ են գրանցվել ԻտալիայիԼացիոյի,Ումբրիայի եւ Մարկի մարզերում:

Առավել տուժել են լեռնային տեղանքում գտնվող բնակավայրերը՝ Ամատրիչեն, Պեսկար դելՏրոնտոն, Ակումուլին: Ստորգետնյացնցումներ են զգացվել Հռոմում:

Երկրաշարժի աշխարհագրական կոորդինատներն են՝ հյուսիսային լայնության 42.790Օ ևարևելյան երկայնության 13.290Օ:Երկրաշարժի հիպոկենտրոնը գտնվում է 10 կմ խորության վրա:Ստորգետնյա ցնցման ուժգնությունն էպիկենտրոնում կազմել է 6-7 բալ: