Տղամարդկանց սխալները՝ կանանց աչքերով

1. Նա ինձ բավականաչափ չի սիրում

Այս հարցում փաստարկներն անօգուտ են: Նա չի սիրում, եւ վերջ: Եվ ամենեւին կարեւր չէ, որ նա ամեն օր երեկոյան եւ աշխատանքային օրերին կողքիդ նստած է եղել, միասին դիտել եք քո սիրելի ռեալիթի շոուն կամ օգնել է ձեր երեխաների համար ընթրիք պատրաստել, նա ձեզ չի սիրում, քանի որ որոշել է շաբաթ օրը ընկերներին հանդիպել: Մի՞թե կարող էր այդպես վարվել: Չէ՞ որ ես ամբողջ օրը երեխաների հետ եմ, իսկ ահա նա հանկարծ որոշել է մի աբողջ երեք ժամ ընկերների հետ անցկացնել:

Կանայք հաճախ են մեկ ակնթարթում մոռանում ամեն լավ բան, բավական է տղամարդը մեկ անգամ ինչ-որ բան այնպես չանի, ինչպես նրանք են ցանկանում: Ընդունեք այն փաստը, որ տղամարդիկ անձնական տարածքի կարիք ունեն, ինչպես եւ կանայք: Նրան թույլ տվեք զարգանալ, սպորտով զբաղվել, ձկնորսության գնալ, կարեւորը նրան վստահելն է ու հասկանալը, որ նրա սիրտը ընդմիշտ ձեր հետ է:

2. Ինքը մոգոնել, ինքն էլ վիրավորվել է

Կանանց կարող ես հաց չտալ, բայց վիրավորվելու առիթ կտաս: Մինչ տղամարդը հանդիպման է, իսկ հեռախոսը մոռացել է մեքենայի մեջ եւ այդ պատճառով չի պատասխանել կնոջ 5 զանգերին, նա արդեն որոշում է, որ տղամարդն իր հետ անկեղծ չէ, քնում է այլ կնոջ հետ եւ իրեն փոխարինող է փնտրում: Մինչդեռ նա ընդամենը հեռախոսափողը չի վերցրել, քանի որ աշխատավայրում էր, իսկ հեռախոսը անձայն ռեժիմի էր դրված, օրինակ, մեքենայի մեջ: Կանայք իսկապես լուն ուղտ են դարձնում: Նրանք իրենց բնույթով ձանձրացող են եւ խնդիրներ են փնտրում այնտեղ, որտեղ դրանք չեն կարող լինել: Տղամարդը կնոջ հետ է, եւ դա ամենագլխավորն է: Կանգնած ջրում  ստորգետնյա հոսանքներ փնտրելու անհրաժեշտություն չկա: Հապճեպ եզրակացությունները միշտ վտանգավոր են, չէ՞ որ մետաղադրամը երկու կողմ ունի, իսկ դու արդեն քո տղամարդու նկատմամբ դատավճիռ ես կայացրել: Քիչ երեւակայիր եւ ավելի շատ հենվիր փաստերի վրա:

3. Իսկ պատասխանը լռությունն է

Կանանցից շատերը պետք է ընդունեն այն փաստը, որ տղամարդիկ կանանց նման շատախոս չեն: Օրվա ընթացքում կանայք հարցեր են տալիս, սակայն ի պատասխան չեն ստանում բազմաթիվ մակդիրներից մի բառ: «-Բորշը հավանեցի՞ր: -Այո՛: Ի՞նչ է նշանակում այո-ն: Ամեն ինչ վա՞տ էր, անհա՞մ, ես աղի՞ էի պատրաստել: Մենք արդեն հորինել ենք, թե նրան ինչը դուր չի եկել: Չնայած նա արդեն հստակ պատասխանել է մեր հարցին:

Տղամարդկանց քչախոսությունը եւ ոչ զգացմունքայնությունը դեռեւս կնոջը չսիրելու ցուցիչ չէ: Պարզապես նրանք արդեն մեկ անգամ իրենց ընտրությունը կատարել են եւ առայժմ չեն պատրաստվում այն փոխել: Եթե նրանք դադարեն ձեզ սիրել, դուք այդ մասին առաջինը կիմանաք: Տղամարդուց անիրական բաներ մի՛ պահանջեք: Նրանց ընդունեք այնպիսին, ինչպիսին են:

4. Կռահիր՝ ինչ եմ ուզում

Կանանց իրենց բնույթին հարիր հատուկ է կյանքը բարդացնելու հատկությունը, որի մեջ իրենց հոգին են դնում: Կանայք սիրում են հանելուկներով խոսել՝ հուսալով, որ իրենց մտքերը կկարդան: Չնայած մանկությունից գիտեն, որ Ձմեռ պապիկ չկա, արքայզները չեն գալիս արքայադուստրերի ետեւից, իսկ մտքերը կարդալ ոչ մեկն էլ ունակ չէ: Սակայն կանայք համառորեն սպասում են, որ տղամարդիկ կկարողանան կռահել իրենց ցանկությունները. «չէ՞ որ սիրում են իրենց»: Այո՛, սիրում են, բայց իրենց հատուկ սիրով: Հրաշքների չպետք է սպասել, հատկապես տղամարդկանցից: Նրանք պրագմատիկ են եւ ռացիոնալ: Խնդրեք ուղղակիորեն եւ այդ ժամանակ ամեն ինչ կստանաք:

5. Կլինեմ 10 րոպեից

Իրենց կարգի բերելու համար կանանց առնվազն մի երկու ժամ է հարկավոր: Իսկ տղամարդկանց զանգը. «պատրաստ եղիր, 10 րոպեից կլինեմ» կանանց անհարմար վիճակի մեջ է դնում: Դուք ի՞նչ է՝ իսկապե՞ս կարծում եք, թե կատարյալ մանիկյուրը, դիմահարդարումը, ժանյակավոր ներքնաշորերը կախարդական փայտիկի մեկ հարվածով են երեւան գալիս: Կանանց ժամանակ է հարկավոր սանրվածքի, հետաքրքիր ներքնաշոր ընտրելու եւ մթնոլորտ ստեղծելու համար: Ավելին ե՞ք ուզում, ուրեմն նախապատրաստվելու ժամանակ տվեք: Քո տղամարդը պատրաստ է քեզ այնպիսին ընդունել, ինչպիսին ես: Նա կարող է չնկատել, որ մազերդ լվացված չեն, չնայած քեզ համար անլվա մազերն աղետ են: Նա կարող է նոր գնումը միայն այն դեպքում նկատել, եթե դրա արժեքն իր աշխատավարձի մեկ երրորդ մասն է կազմում: Ոչ թե այն պատճառով, որ դու նոր կոշիկ ես հագել, այլ որովհետեւ նրան քարտից գումար հանելու հաղորդագրություն է ուղարկվել: Նրա համար միեւնույն է, թե ինչ զգեստ ես հագել, կարեւորը, որ զգեստ հագել ես: Կանանց համար, սակայն, այդ ամենը նրա կողմից անուշադրություն է: Նրան թվում է, թե 10 րոպեն բավական է զգեստը, կոշիկները հագնելու, մազերը սանրելու եւ նրա մեքենային ընդառաջ դուրս գալու համար: Ընդունեք դա եւ սովորեք մշտապես շքեղ տեսք ունենալ:

6. Խանդում է/չի խանդում

Կանանց շատ դժվար է սիրաշահել: Եթե խանդում է՝ չի վստահում: Եթե չի խանդում՝ չի սիրում: Կանա՛յք, վայելեք պահը, ձեր տղամարդը ձեզ է ընտրել, նշանակում է դուք եք նրա իդեալը: Վայելեք պահը եւ երջանիկ եղեք, որովհետեւ նա ձեր կողքին է:

Կատարյալ տղամարդիկ չկան, սակայն մենք շատ ենք ուռճացնում: Նրանք մեզ սիրում են, չնայած նաեւ շեղվում են: Այո՛, նրանք հաճախ են ստում, մոռանում կարեւոր ամսաթվերը, իրենց սերը ցույց չեն տալիս այնպես, ինչպես մենք կցանկայինք, սակայն նրանք այդ ամենը դիտավորյալ չեն անում: Չէ՞ որ մենք էլ կատարյալ չենք, միմյանց ներենք մեր անկատարելությունները: Պարզապես երջանիկ լինենք հենց այսօր:

Ձեր սիրեցյալներին ասեք, թե նրանք որքան կարեւոր են ձեզ համար, եւ ձեր հարաբերություններն օրեցօր ավելի կխորանան եւ ջերմ կդառնան:

Աղբյուրը՝ Kleo

NEWS.am STYLE