Ավանդական խարույկով ազդարարվել է «Արի տուն» ծրագրի յոթերորդ փուլի ավարտը

 Ծաղկաձորի «Արի տուն» ճամբարում օգոստոսի 19-ին տեղի է ունեցել ՀՀ սփյուռքի նախարարության «Արի տուն» ծրագրի յոթերորդ փուլի փակման հանդիսավոր արարողությունը, որին մասնակցել են  ՀՀ սփյուռքի նախարար Հրանուշ Հակոբյանը, ՀՀ մշակույթի վաստակավոր գործիչներ Սիլվա Յուզբաշյանն ու Մուրադ Մալխասյանը, նախարարությա աշխատակիցներ, հյուրեր:

Ինչպես «Արմենպրես»-ին տեղեկացրին ՀՀ սփյուռքի նախարարության մամուլի և հասարակայնության հետ կապերի վարչությունից, ողջունելով արիտունցիներին՝ Սփյուռքի նախարարը նշել է. §Սիրելի° արիտունցիներ, կարծում եմ, որ այս 14 օրերը ձեզ համար դարձան ամենահիշարժանն ու անմոռանալին, դուք այցելեցիք Հայաստանի ամենագեղեցիկ պատմամշակութային վայրերը, ծանոթացաք հայ ժողովրդի հարուստ պատմությանն ու մշակույթին: Վստահ եմ նաև, որ շատ լավ օրեր եք անցկացրել հյուրընկալ ընտանիքներում, ձեռք եք բերել նոր ընկերներ, բարեկ ամներ, որոնց հետ կապը, վստահ եմ, շարունակական է լինելու: Սիրելի° երիտասարդներ, նոր ուսումնական տարվան հաշված օրեր են մնացել, և ես հորդորում եմ, որ լավ սովորեք, լինեք լավագույնը ձեր ընտրած մասնագիտության մեջ: Ցանկանում եմ, որ ոչ մի դեպքում չմոռանաք մեր ոսկեղենիկ մայրենին, հայերեն խոսեք, որովհետև հայերենը մեր անհայրենիք հայերի Հայրենիքն է, և մենք պետք է պահպանենք այն՝ հաջորդ սերունդներին փոխանցելու պայմանով: Սիրելի պատանիներ ու աղջիներ ուր էլ, որ գնաք միշտ հպարտ եղեք, որ դուք հայ եք, հավատարիմ եղեք ձեր արմատներին, պատմությանն ու մշակույթի: Բարով եք եկել Հայրենիք¦:

Արիտունցիներին ողջունել է նաև ՀՀ մշակույթի վաստակավոր արտիստուհի, ասմունքող Սիլվա Յուզբաշյանը: Նա կարևորել է §Արի տուն¦ ծրագիրը՝ համարելով այն 25-ամյա անկախ Հայաստանի ամենամեծ ձեռքբերումներից, որը թույլ է տալիս ծրագրի մասնակիցներին վերադառնալ արմտաներին, ակունքներին՝ տանելով իրենց հետ իրենց հոգու Հայաստանը: Դիմելով երեխաներին՝ նա համոզմունք է հայտնել.§Մի օր դուք վերադառնալու եք Հայրենիք և ի վերջո ձեր վերջին հանգրվանը լինելու է Հայաստանը¦:

Սիլվա Յուզբաշյանը ներկաներին ներկայացրել է Վիլյամ Սարոյանի §Հայը և հայը¦ պատմվածքից մի հատված:

Ներկաներին իր կատարումներով ողջունել է ՀՀ վաստակավոր արտիստ Մուրադ Մալխասյանը:

Այնուհետև արիտունցիները հանդես են եկել ազգային, հայրենասիրական երգերի և պարերի կատարումներով, ներկայացրին փոքրիկ բեմականացում Հայկի ու Հայոց այբուբենի մասին:

Ավանդական խարույկի շուրջ երիտասարդների հրաժեշտի պարով ազդարարվել է ծրագրի յոթերորդ փուլի ավարտը:

Ծրագրի յոթերորդ փուլին մասնակցում էր 63 պատանի ու աղջիկ  աշխարհի 12 երկրից՝ Ռուսաստանից, Վրաստանից, Ղազախստանից, Բելառուսից, Ուկրաինայից, Շվեյցարիայից, Չեխիայից, Իսրայելից, Գերմանիայից, Իսպանիայից, ԱՄՆ-ից և Սիրիայից: