7 սխալ տոնային կրեմ ընտրելիս

Խանութում դուք ջանասիրաբար ընտրում եք տոնային կրեմի երանգը, թնդությունը, սակայն այնուհետև պարզվում է, որ «կյանքում» այդ միջոցը այլ կերպ է պահում է իրեն:

Սխալ 1. Դուք փորձարկում եք այն դաստակի վրա

Գրեթե երբեք դաստակի և դեմքի մաշկերի գույները չեն համընկնում  միմյանց հետ: Փորձարկեք այն այտոսկրի կամ դնչի վրա, այդ կերպ դուք չեք սխալվի:

Սխալ 2․ Դուք փորձարկում եք այն դիմահարդարման վրայից

Եթե նույնիսկ ընտրված կրեմը կատարյալ է նստում ձեր վրա, առկա պիգմենտները կարողեն կոնֆլիկտի մեջ մտնել նոր միջոցի բաղադրության հետ և արդյունքում, դուք տեսնում եք ոչ այն գույնը, որը կլիներ մաքուր մաշկի վրա:

Սխալ 3․ Դուք նայում եք գույնը խանութում

Տոնային կրեմը դուք սովորաբար քսում եք ցերեկային լույսի տակ: Ընտրելիս քսեք այն ձեր դեմքին և դուրս եկեք փողոց՝ այնտեղ դուք կտեսնեք, թե որ գույնն է ճիշտ:

Սխալ 4․ Երկու երանգից ընտրում եք մուգը

Եթե դուք ոչ մի կերպ չեք կարողանում ընտրություն կատարել երկու երանգների միջև՝ կամ վերցրեք երկուսն էլ և խառնեք, կամ կանգ առեք ավելի բացի վրա: Սովորաբար խանութի խորհրդատուներն առաջարկում են մուգը, որպեսզի մաշկն «ավելի առողջ տեսք ունենա և արևայրուքի տպավորություն ստեղծվի»: Մի լսեք նրանց: Մուգ տոնային կրեմը գեղեցիկ չի նայվում դեմքին:

Սխալ 5․ Դուք չեք փորձում այն տարածել

Իսկ հետո պարզվում է, որ այն շատ թունդ է և չի տարածվում: Վերցրեք ձեր հետ վրձինը, որով քսում եք այն տանը և դրանով տարածելուց հետո կատարեք ընտրությունը:

Սխալ 6․ Դուք այն գնում եք երեկոյան

Օրվա ընթացքում մաշկը փոխվում է: Դուք քրտնում եք կամ սառում, փոշին փակում է ծակոտիները, հոգնում եք: Կարճ ասած, «անհրաժեշտ տոնային կրեմը» հեռու կլինի կատարյալից: Գնեք կոսմետիկան առավոտյան, երբ ձեր մաշկը թարմ է և չի խաբի ձեզ:

Սխալ 7․  Դուք գնում եք շատ թունդ կրեմ

Հիշեք՝ տոնային կրեմը սվաղ չէ: Ձեր մաշկն անպայման պետք է լուսարձակի դրա միջից: Տոնային կրեմը ուղղակի ավելի հարթացնում և գեղեցկացնում է մաշկը: Թերությունները թաքցնելու համար օգտագործեք կորեկտրներ և կոնսիլերներ: