Ջասթին Բիբերը ջնջել է իր Ինսթագրամի էջը իր երկրպագուների զայրույթի պատճառով

Ջասթին Բիբերը ջնջել է Ինսթագրամի իր էջը, քանի որ իր երկրպագուները Ջասթինի նախազգուշացումից հետո շարունակել են ծաղրել և վիրավորել իր նոր ընկերուհուն:

Հիմա երկրպագուներն այլևս չեն կարողանում այցելել Ջասթին Բիբերի Ինսթագրամի էջ, քանի որ այն հիմա «հասանելի չէ»:

Ի պաշտպանություն Ջասթինի երկրպագուների խոսել է Բիբերի նախկին ընկերուհի Սելենա Գոմեսը:

Նա Ջասթինի և նոր ընկերուհու լուսանկարի տակ մեկնաբանել էր. «Եթե չես ցանկանում քո երկրպագուների ատելությանն արժանանալ, ուրեմն ուղղակի ջնջիր քո և ընկերուհուդ լուսանկարը: Ձեր երկուսիդ սերը կարող եք պահել միայն միմյանց համար: Մի՛ զայրացիր քո երկրպագուների վրա: Նրանք սիրում են քեզ: Նրանք միշտ քեզ հետ են եղել:» Ի պատասխան դրան Ջասթինը գրել էր. «Հետաքրքիր է տեսնել, թե ինչպես են ինձ հայտնի լինելու համար օգտագործած մարդիկ հիմա փորձում փնովել ինձ:» Սա կրկին անպատասխան չմնաց և Սելենան գրեց. «Հետաքրքիր է տեսնել, որ այն մարդը, ով քեզ բազմաթիվ անգամներ դավաճանել է, հիմա փնովում է այն մարդկանց, ովքեր միշտ նրան աջակցել են և ներել:» Դրան ի պատասպան Ջասթինը մի շատ հետաքրքիր բացահայտում արեց՝ գրելով. «Ես եմ դավաճանել... օհ, ես մոռացել էի քո և Զեյնի մասին (One Direction խմբի մենակատար)»: Սրան նույնպես Սելենայի պատասխանը չուշացավ և նա փորձեց փակել թեման՝ գրելով. «Ես վերջացրեցի: Գնում են հանդիպելու իմ հավատարիմ երկրպագուներին:»

Իսկ ամեն ինչ սկսվել էր նրանից, որ Ջասթինը սև և սպիտակ լուսանկար էր հրապարակել, որտեղ ինքն ու իր նոր ընկերուհին են: Լուսանկարի տակ Ջասթինի երկրպագուներից մեկը գրել էր. «Ինձ դուր չեն գալիս քո արարքները: Քո ընկերուհին զզվելի է, իսկ դու էլ քո հերթին քո երկրպագուների հետ վարվում ես, ինչպես աղբի հետ:»

Ի պաշտպանություն իր ընկերուհու՝ Ջասթին Բիբերը սպառնացել էր երկրպագուներին, որ կփակի իր էջը:

 

Նյութը հրապարակման պատրաստեց Past.am-ը: