Ժաննա Բուտուլյան. «Երբ Կարոյի ծառայությանը 100 օր էր մնացել, միասին էինք հաշվում օրերը»

Դերասան Կարո Հովհաննիսյանին ու դերասանուհի Ժաննա Բուտուլյանին հաճախ կարելի է միասին տեսնել։ Հենց սա էլ ենթադրությունների տեղիք է տվել, թե հնարավոր է՝ նրանց միջև սիրավեպ կա կամ կարող է սկսվել։

Համացանցում տարածում գտած խոսակցությունների իսկությունը պարզելու համարBlogNews-ը խոսեց Ժաննայի հետ։ «Կարծում եմ՝ պետք չէ ամեն ինչը փչացնել և դարձնել այդ ֆորմատի հարաբերություն։ Մեզ մոտ շատ լավ և մաքուր ընկերություն է։ Մենք վաղուց ենք ընկերություն անում»,- ասաց Ժաննան և հույս հայտնեց, որ իրենց ընկերությունը միշտ կպահպանվի։

Ժաննան նշեց, որ ինքն ու Կարոն շատ լավ են ճանաչում իրար, իրենց ընկերությունը խոր հիմքեր ունի։ «Մեր կապը երբեք չի դադարել, նույնիսկ, երբ նա բանակում էր։ Երբ Կարոյի ծառայության ավարտին 100 օր էր մնացել, միասին հետհաշվարկ ենք արել. առավոտյան որ մեկս հասցներ, առաջինը  գրում էր՝ «մնաց 60, 59, 58 ... օր»»,- պատմեց նա։

Դերասանուհին նկատեց, որ հեռավորությունն ու ժամանակը շատ լավ թեստ են ընկերության համար։ «Այդ ժամանակ նա հեռու էր, սակայն մեր շփումը չդադարեց։ Ինձ համար դա շատ կարևոր է։ Հաճախ մարդիկ ընկերություն են անում, որովհետև նույն դասարանից են, նույն կուրսից, կամ նույն տեղում են աշխատում։ Երբ նրանց միջև  կա տարածություն, երկար ժամանակ իրար չեն տեսնում, բայց շարունակում են ընկերություն անել, ուրեմն այն իրոք շատ լուրջ հիմքեր ունի և ոչինչ չի կարող բաժանաել այդ մարդկանց։ Կարոն շատ հավատարիմ, վստահելի մարդ է ինձ համար և կարողանում է միշտ լավ էմոցիաներ պարգևել»,- եզրափակեց Ժաննան։