Խորհուրդներ՝ խոհանոցը մաքուր պահելու համար

Խոհանոցը տան այն անկյունն է, որ միշտ պետք է մաքուր լինի: Այսօր ձեզ մի քանի խորհուրդներ կտանք, որոնք կօգնեն ձեզ միշտ մաքուր և կոկիկ խոհանոց ունենալ:

1. Մաքրեք կահույքը
   ½ բաժակ քացախը խառնեք ½ բաժակ օղու հետ և մի կաթիլ էվկալիպտի յուղ ավելացրեք: Այս յուրահատուկ լուծույթով դուք շատ հեշտությամբ կհեռացնեք ցանկացած աղային և ճարպային նստվածք:

   

Անպայման մաքրելիս ռետինե ձեռնոցներ կրեք և օդափոխեք խոհանոցը:

2. Մաքրեք լվացարանը
   Ամոնիակը շատ արդյունավետ կարող է լինել՝ նստվածքից ազատվելու համար: Մի քիչ ամոնիակ ավելացրեք ջրի մեջ, այդ լուծույթը լվացարանի մեջ լցրեք և 10 րոպե անց տաք ջրով մաքրեք:

   

3. (5) Մաքրեք խոհանոցի օդակլանիչը
   Խոհանոցի օդակլանիչի վրայի մրից կարելի է ազատվել դրա ցանցը մի փոքր թրջելով, ապա սպիտակեցուցիչի մեջ թաթախած ատամի խոզանակով տրորելով: 10 րոպե անց լվացեք ջրով և այն արդեն մաքուր կլինի:

   

4.  Մաքրեք գազօջախի վառարանը
   Խառնեք 1 բաժակ սոդան 1 ճաշի գդալ լվացող միջոցի հետ և ջուր ավելացնելով ստացեք ոչ խիտ խմորի նման նյութ: Այն քսեք վառարանի յուղոտ հատվածներին և պահեք 15 րոպե, ապա լվացեք ողջ վառարանը:

   

5.  Մաքրեք յուղոտ թավան
   Կերամիկական թավան կարող եք մաքրել այսպես. Մի մեծ տարրայի մեջ ջուր լցրեք այնքան, որ թավան ամբողջովին ծածկվի, ապա մի քանի ճաշի գդալ մաքրող միջոց և սոդա ավելացրեք: Ապա տարրան թավայի հետ միասին դրեք գազօջախի վրա և կես ժամ եփեք: Սպասեք մինչև հեղուկի հովանալը, հետո վերցրեք թավան, ծորակի տակ լվացեք և զգուշությամբ մաքրեք այն:

   

Նյութը հրապարակման պատրաստեց Past.am-ը: