Թուրքիան կարող է փակել Սիրիայի հետ սահմանը ՌԴ–ի պահանջով. լրատվամիջոց

Ռուսաստանցի դիվանագետները եւ զինվորականները իրենց թուրք գործընկերների հետ բանակցությունների ժամանակ պահանջել են փակել թուրք–սիրիական սահմանը, գրում է «Իզվեստիա»–ն՝ վկայակոչելով իր աղբյուրները։

«Մենք, բնականաբար, բարձրացրել ենք թուրք–սիրիական սահմանը փակելու հարցը, որպեսզի կանգնեցնենք ահաբեկիչների եւ զենքի հոսքը»,– ասել է Պետդումայի պաշտպանական հանձնաժողովի փոխնախագահ Վիկտոր Վոդոլացկին։

«Մեր կողմից մենք կարող ենք թուրքական կողմին ներկայացնել այն վայրերի արբանյակային լուսանկարները, որոնցով տեղի է ունենում գրոհայինների եւ զենքի հոսքը»,– հավելել է պատգամավորը։

Թերթի տեղեկություններով՝ թուրքական կողմն արդեն դիտարկում է Սիրիայի հետ սահմանը փակելու հնարավորությունը։

«Թուրք բանակցողների համար մանեւրելու տեղ չի մնացել։ Դրա հետ մեկտեղ նրանք, դատելով ամեն ինչից, տրամադրված են վիճելի հարցերը լուծելուն։ Ուստի սահմանը փակելու մեր պայմանը նրանք ստիպված են կատարել»,– ասել է Դաշնության խորհրդի միջազգային հանձնաժողովի անդամ Իգոր Մորոզովը։