Քիմ Քարդաշյանի ստեղծած բջջային խաղն առաջին տեղում է

Լարա Քրոֆթն արդեն անցյալում է: Եկել է Քիմ Քարդաշյանի ժամանակը:

35-ամյա հայուհին Snapchat-ի միջոցով հայտարարեց բոլորին, որ իր՝ Kim Kardashian Hollywood խաղը համարվել է բոլոր ժամանակների ամենատարածված մեկ օգտագործողով խաղը:

Ռեալիթի աստղը մի քանի տեսանյութ է հրապարակել, որտեղ նա այցելում է Նիկկոլո Դե Մասիին, ով Glu բջջային խաղերի ընկերության գործադիր տնօրենն է: Հենց այդ կազմակերպությունն էլ դիզայնավորել էր Քիմ Քարդաշյանի խաղը:

Քիմը կես կատակ, կես լուրջ խոստովանել է, որ իր խաղի հաջողության շնորհիվ նա կարողացել է առանձնատուն գնել, և հիմա հույս ունի, որ խաղի հետագա հաջողության դեպքում նա ևս մեկ տուն կգնի:

Նա ասաց. «Մենք արձակուրդն անց կացնելու համար առանձնատուն ենք ուզում: Երևի Հավայան կղզիներու՞մ:» Ի պատասխան դրան Նիկկոլո Դե Մասսին ասում է. «Կարող ես նույնիսկ մի ողջ կղզի գնել այս եկամուտով:»

Քիմը նաև ցուցադրել է իր խաղի համար արված նկարները և իր look-ի մասին մի քանի խորհուրդներ հարցրել իր երկրպագուներից:

Քիմը երբեք չի կորցնում իր հումորի զգացումը: Նա ցույց տվեց իր լուսանկարներից մեկը, որտեղ նա իր՝ նախկինում կրած զգեստով է, սակայն այն տարբերությամբ, որ նկարում նա հարթ որովայնով է, իսկ իրականում նա այդ զգեստը կրել է կլորացած փորիկով: Նկարը Քիմը մեկնաբանում է այսպես. «Տեսնու՞մ եք, թե ինչքան է իմ խաղը մոտ իրականությանը:»

Նյութը հրապարակման պատրաստեց Past.am-ը։