Անմահ սեր. ով էր Մերլին Մոնրոյին նվիրել 18 հազար վարդ նրա մահվանից հետո

Life.panorama.am-ը գրում է.

Կես դար առաջ օգոստոսի 5-ին կյանքից հեռացավ Մերլին Մոնրոն։ 50-ականների սեքս-խորհրդանիշը, որը գրավում էր միլիոնավոր տղամարդկանց հիացած հայացքներ, ընդունել է 3 տղամարդկանց առաջարկությունը, բայց նրանցից միայն մեկն էր նրան իսկապես սիրում։ Ամերիկյան բեյսբոլիստ Ջո Դի Մաջոն Մերլինի մահից հետո 20 տարի շարունակ շաբաթական 3 անգամ վարդեր էր ուղարկում նրա գերեզմանին։ Նրա զգացմունքները մահից ավելի ուժեղ էին։

Լոս Անջելեսում գտնվող «Փարիզյան ֆլորիստ» ծաղկի խանութը մի ամբողջ ցուցադրություն էր կազմակերպել՝ նվիրված Մերլին Մոնրոյին և Ջո Դի Մաջոյին, քանի որ 20 տարի շարունակ սպորտսմենը հենց նրա խանութից էր գնել ծաղիկներ Մերլինի գերեզմանի համար։

Ջո Դի Մաջոն Մերլին Մոնրոյի երկրորդ ամուսինն էր։ Նրանց ամուսնությունը տևեց 9 ամիս։ Ջոն շատ էր սիրում կնոջը և սարսափելի խանդում էր։ Նրանց անվանում էին «Միս և Միսիս Ամերիկա» որպես ամենագեղեցիկ զույգերից մեկը։ Սակայն ուժեղ զգացմունքները կարող են ինչպես միացնել, այնպես էլ բաժանել։ Ասում են, որ նրանք բաժանվել են խանդի պատճառով։

1962 թվականի օգոստոսի 1-ին Ջոն կրկին  Մերլին Մոնրոյին ամուսնության առաջարկություն արեց, բայց օգոստոսի 5-ին արդեն դերասանուհուն գտան մահացած։  Ասում էին, որ նրանց ամուսնությունը պիտի լիներ օգոստոսի 8-ին։ Այդ օրը եղավ Մոնրոյի թաղումը։

Ջո  Դի Մոջոն  կազմակերպեց թաղումը և միակն էր Մերլինի տղամարդկանցից, որ մասնակցեց նրա թաղման արարողությանը։ Նա երբեք չէր խոսացել իրենց հարաբերությունների մասին, բայց Մերլինի մահից հետո այլևս չամուսնացավ, իսկ 37 տարի հետո, մահանալուց առաջ ասված վերջին խոսքերն այսպիսին էին. «Վերջապես ես կտեսնեմ Մերլինին»։