Էրդողանը հայտարարել է «Թուրքական հոսքի» համար խոչընդոտներ չլինելու մասին

Թուրքիայի նախագահ Ռեջեփ Թայիփ Էրդողանը, որը ջանք չի խնայում Սու-24 ռմբակոծիչը խոցելուց հետո Ռուսաստանի հետ խաթարված հարաբերությունները կարգավորելու համար, ինչի համար նա անգամ պաշտոնապես ներողություն է խնդրել Մոսկվայից, հայտարարել է, որ թուրքական իշխանությունները պատրաստ են «անհապաղ քայլեր կատարել» «Թուրքական հոսք» գազատարի իրականացման ուղում: Նախագծի գծով բանակցությունները դադարեցվել էին թուրքական օդուժի կողմից Սու-2 4 ինքնաթիռի խոցման պատճառով Մոսկվայի եւ Անկարայի հարաբերությունների սառեցումից հետո:

Վկայակոչելով «Անատոլու» լրատվական գործակալությունը, Թուրքիայի իշխանությունները պատրաստ են միջոցներ ձեռնարկել, որոնք անհրաժեշտ են «Թուրքական հոսք» գազատարի նախագծի իրականացման մեկնարկի համար, որով այդ երկիր կարող է ռուսաստանյան գազ մատակարարվել:

«Մենք պատրաստ ենք առանց ուշացնելու քայլեր կատարել այդ նախագծի իրականացման գծով: Որևէ խոչընդոտ դրան չկա», -ասել է Էրդողանը` Ռուսաստան կատարելիք այցից առաջ:

Էրդողանը հիշեցրել է, որ Ռուսաստանը հանդիսանում է Թուրքիա գազի խոշորագույն մատակարարը. 2016 թվականի հուլիսի վերջի դրությամբ` Ռուսաստանը 12,5 մլրդ խոր.մ գազ է մատակարարել Թուրքիային:

Թուրքական եւ ռուսաստանյան ԶԼՄ-ները հայտնում են, որ օգոստոսի 9-ին Սանկտ-Պետերբուրգում Էրդողանի եւ ՌԴ նախագահ Վլադիմիր Պուտինի միջեւ ծրագրված հանդիպման գլխավոր թեմաներից մեկը պետք է հանդիսանա «Թուրքական հոսք» նախագծի իրականացման վերականգնման, ինչպես նաեւ ՌԴ օգնությամբ Թուրքիայում «Աքքույու» ատոմային էլեկտրակայանի շինարարության հարցը:

«Թուրքական հոսք» գազատարով նախատեսվում է Սեւ ծովի հատակով ՌԴ-ից գազատարի անցկացում դեպի Թուրքիա եւ այնտեղից` հարավային Եվրոպայի երկրներ: