Իրաքում ԻՊ-ի հանցագործությունները կարող են ցեղասպանություն որակվել. ՄԱԿ-ի գլխավոր քարտուղար

 2014 թվականին իրաքյան Սինջարում «Իսլամական պետությունե ահաբեկչական խմբավորման գործողությունները կարող են որակվել հանցագործություններ մարդկության դեմ եւ նույնիսկ ցեղասպանություն: Այս կարծիքը օգոստոսի 3-ին հայտնել է ՄԱԿ-ի գլխավոր քարտուղար Պան Գի Մունը՝ առաջարկելով երկրի իրադրության հարցը հանձնել Հաագայի Միջազգային քրեական դատարանի քննությանը:

ԻՊ-ի ելուզակախմբերի կողմից Իրաքի հյուսիս-արեւմուտքի Սինջարի տարածաշրջանի բռնազավթման երկրորդ տարելիցի կապակցությամբ արված գրավոր հայտարարության մեջ համաշխարհային կազմակերպության վարչական ղեկավարը դատապարտել է «հրեշավոր հանցագործություններըե, որոնք ահաբեկիչները շարունակում են կատարել երկրի տարբեր էթնիկական ու կրոնական խմբերի դեմ: Նա անհանգստություն է հայտնել այն մարդկանց անվտանգության կապակցությամբ, որոնք մնում են ԻՊ-ի գերության մեջ, հատկապես «հազարավոր եզդի կանանց ու երեխաներիե, ինչպես նաեւ ընդգծել է, որ նրանց ազատումÕ ¨ պետք է լինի ռազմական գործողությունների գերակա նպատակը:

Սինջարի տարածաշրջանը, որը գտնվում է Սիրիայի հետ սահմանում, բնակեցված է առավելապես եզդիներով: Քաղաքը ծայրահեղականների կողմից զավթվել է 2014 թվականի օգոստոսին եւ քրդական զինված կազմավորումների կողմից ազատագրվել միայն 2015 թվականի վերջին: Բռնազավթման ընթացքում արմատականները մահվան սպառնալիքով եզդիներից պահանջում էին իսլամ ընդունել: Գրեթե 40 հազար եզդիներ փախել են Իրաքյան Քրդստանի տարածք, ավելի քան 50 հազարը պատսպարվել են հարեւան լեռնային տեղանքում: ԻՊ-ի զինյալները գերեվարել են հարյուրավոր եզդի կանանց, որոնցից շատերը մինչ այժմ մնում են ԻÕ Š-ի կողմից բռնազավթված տարածքներում, հաղորդել է ՏԱՍՍ-ը: