Միայն սիրահարվածը մարդ կոչվելու իրավունք ունի. Ալեքսանդր Բլոկ (ցիտատներ)

Ալեքսանդր Ալեքսանդրովիչ Բլոկը (16(28).11.1880 – 07.08.1921 թթ.) եղել է ռուս բանաստեղծ, գրող, հրապարակախոս, դրամատուրգ, թարգմանիչ, գրաքննադատ, XX դարի ռուս գրականության դասական:

1. Ամեն մարդու մեջ մի քանի մարդ կա, և նրանք բոլորը մեկը մյուսի դեմ պատերազմում են, և ոչ միշտ է ամենաարժանավորը հաղթում:
2. Հաճախ կյանքն է լուծում այն, ինչը ամենաանլուծելին էր թվում:
3. Միայն վեհ բանի մասին պետք է մտածի, միայն մեծ առաջադրանքներ պետք է իր առջև դնի գրողը. դնի համարձակ` չամաչելով իր անձնական փոքր ուժերից:
4. Մահը սարսափելի չէ հերոսին, քանի դեռ մոլեգնում է երազանքը:
5. Նա, ով հասկանա, որ մարդկային կյանքի իմաստն անհանգստության և տագնապի մեջ է, կդադարի մշտաբնակիչ լինել:
6. Ապրել արժե միայն այնպես, որ կյանքից անասելի պահանջներ ունենաս:
7. Նկարչի ուղղակի պարտականությունը ցույց տալն է, այլ ոչ ապացուցելը:
8. Արվեստը, ինչպեսև կյանքը, թույլերի ուժերից վեր է:
9. Այն գիտակցումը, որ հրաշալին մեր կողքին էր, չափից դուրս ուշ է գալիս:
10. Որքան շատ ես զգում հայրենիքիդ հետ կապը, այնքան ավելի իրական և սիրով ես պատկերացնում այն որպես կենդանի օրգանիզմ:
11. Միայն ճշմարտությունն է «թեթև բեռ», որքան էլ, որ այն ծանր լինի:
12. Իմացի՛ր, թե որտեղ է լույսը, կհասկանաս, թե որտեղ է խավարը:
13. Վաղ թե ուշ ամեն ինչ նորովի կլինի, քանզի կյանքը հիասքանչ է:
14. Գրականությունը պետք է հանապազօրյա հաց լինի:
15. Ատել ինտերնացիոնալիզմը, նշանակում է չիմանալ և չզգալ ազգայինի ուժը:
16. Միայն սիրահարվածը մարդ կոչվելու իրավունք ունի:
17. Անհնարինը հնարավոր էր, բայց հնարավորը երազանք էր:
18. Ատելությունը ազնվաբարո զգացմունք է, քանզի այն վեր է հառնում այրված սիրո մոխրից:
19. Մաքրի՛ր պատահական գծերը և կտեսնես, որ աշխարհը հիասքանչ է:
20. Որքան վատ ապրել, այնքան լավ կարելի է ստեղծագործել, իսկ կյանքը և մասնագիտությունն անհամատեղելի են:
21. Մի՛ լսեք մեր ծիծաղը, լսե՛ք այն ցավը, որ դրա հետևում է:
22. Շատ դեպքերում մարդիկ ապրում են ներկայով, այսինքն` ոչնչով չեն ապրում. այնպես, ուղղակի գոյություն ունեն: Ապրել կարելի է միայն ապագայով:
23. Իսկական մարդու հոգին ամենաբարդ, ամենանուրբ և ամենաերգեցիկ երաժշտական գործիքն է:
24. Գիրքը մեծ բան է, քանի դեռ մարդը կարողանում է դրանից օգտվել:
25. Հանգիստը միայն երազում ենք տեսնում:
26. Դժվարը պետք է հաղթահարել, իսկ հետո պարզ օր կլինի:
27. Կրքի ուժը ոչինչ է մտքի սառնության դեմ: