Հոլիվուդյան 7 ամենաանտանելի բնավորության տեր աստղերը, ում հետ աշխատել ոչ ոք չի ցանկանում (Լուսանկարներ)

Հանրության առջև գրեթե բոլոր հայտնիները ջանում են դրական իմիջ ունենալ ու ստիպել հավատալ մարդկանց, որ իրենք բաց և դրական կերպարներ են։ Սակայն իրականում երբեմն լինում է այնպես, որ այդ անթերի պատկերը կտրականապես տարբերվում է նրանից, թե ինչի են ականատես լինում աստղերի հետ աշխատող մարդիկ։ Ձեզ ենք ներկայացնում ամենաքմահաճ ու պահանջկոտ աստղերին, ովքեր այնքան վատն են, որ մարդիկ չեն ցանկանում աշխատել նրանց մոտ։

1. Բեյոնսե

Ամերիկյան ֆուտբոլի սուպերգավաթի կազմակերպիչները հրապարակավ հայտարարել են, որ Բեյոնսեն ամենաբարդ հայտնին է, որի հետ իրենք երբևիցե առիթ են ունեցել աշխատելու։ Դիվան պետք է ելույթ ունենար 2013 թվական սուպերգավաթի ընդմիջմանը, ու դա պետք է լիներ կարճատև ելույթ, սակայն նրա պահանջներն առավել քան տարօրինակ էին։ Բեյոնսեն պահանջել էր, որ նրա դիմահարդարման սենյակում անպայման լինի 22.000 դոլար արժողությամբ թանկարժեք փայտից պատրաստված օրորոց՝ իր 1-ամյա դստեր համար։ Ամուսնու՝ Ջեյ Զիի համար էլ նա պատվիրել էր 6000 դոլարի ալկոհոլ ու սիգարներ։ Բացի դրանից, երգչուհին պահանջել էր, որպեսզի սենյակում ջերմաստիճանը կայուն 26 աստիճան լինի, հանքային ջրի ջերմաստիճանը՝ 21 աստիճան, ու այդ ջուրը խմելու համար նա պատվիրել էր տիտանի ձուլվածքից պատրաստված 900 դոլար արժողությամբ ձողիկներ։ Սակայն սա էլ դեռ ամենը չէր։ Բեյոնսեն պահանջել էր, որ բոլոր այն կազմակերպիչներն ու նրանց ներկայացուցիչները, ովքեր պետք է հանդիպեին իր հետ, 100 տոկոսանոց բամբակյա հագուստներ կրելիս լինեին, լոգարանում պետք է լրիվ նոր զուգարանակոնք տեղադրված լիներ, իսկ զուգարանի թուղթը պետք է լիներ միմիայն կարմիր գույնի։

2. Ջենիֆեր Լոպես

Ջենիֆեր Լոպեսը ևս այն աստղերի թվին է պատկանում, ովքեր չեն գնում փոխզիջումների ու տարօրինակ պահանջներ են ներկայացնում։ Երբ դիվան ֆիլմերում է նկարահանվում, նա աշխատում է հնարավորինս քիչ շփվել ֆիլմի վրա աշխատող անձնակազմի հետ կադրից դուրս, հակառակ դեպքում նա կորցնում է իր տրամադրվածությունն ու դուրս է գալիս դերից։ Եթե ինչ-որ մեկը հարց ունի Ջեյ Լոյին կամ գործ ունի նրա հետ, ապա նա պետք է դիմի երգչուհու անձնական օգնականին, ով էլ երգչուհու համար հարմար պահի կտեղեկացնի նրան։ Ի դեպ, օգնականների մասին. քչերն են երկար դիմանում նրա մոտ, չնայած նրան, որ 65.000 դոլար տարեկան աշխատավարձ են ստանում։ Բանն այն է, որ Ջենիֆերը պահանջում է, որ օգնականը շաբաթական 6 օր, օրական 12 ժամ, լինի նրա կողքին, իսկ մնացած ժամանակ լինի կապի մեջ։ Բացի դրանից, Լոպեսն աչքի չի ընկնում հրեշտակի բնավորությամբ, ուստի սթրեսակայունությունն ու ամենատարօրինակ պահանջներին օպերատիվ արձագանքելու հմտությունները հանդիսանում են նրա օգնականի պաշտոնի հավակնորդների գլխավոր չափանիշները։

3. Քրիստիան Բեյլ

Էկրանի վրա հմայիչ ու ազնվազարմ երևացող Բեյլը «Ստո՛պ, նկարահանվա՛ծ է» հրահանգից հետո վեր է ածվում բռնկուն տիրանի։ Հոլիվուդում քչերն են ցանկանում հայտնվել նրա հետ նույն նկարահանման հրապարակում։ Ընդ որում, սա վերաբերում է թե՛ դերասաններին, թե՛ նկարահանման պրոցեսի այլ մասնակիցներին։ Իր գործընկերների մասին Բեյլը չի ուզում իմանալ ոչինչ, ինչի մասին նա հայտարարել է բաց տեքստով. «Ես չեմ ցանկանում ոչինչ իմանալ այլ դերասանների կյանքի մասին ու չեմ ուզում, որպեսզի նրանք իմանան իմ մասին»։

Բացի դրանից, Բեյլն իրեն հաճախ թույլ է տալիս վիճել ռեժիսորների հետ, եթե նրան ինչ-որ բան դուր չի հալիս, իսկ «Терминатор 4»-ի նկարահանումների ժամանակ նա մի անգամ հարձակվեց օպերատորի վրա, ով շեղել էր նրան նկարահանման ժամանակ, ու նա մոտ 4 րոպե, առանձնապես չչափավորելով իր արտահայտությունները, բարձր տոնով բացատրում էր օպերատորին, որ այսպես անել չի կարելի։ Այս ամենն, իհարկե, շատ մեղմ ասած՝ խոսակցության կոնտեքստի վերաբերյալ։

4. Գվինեթ Պելթրոու

Գվինեթ Պելթրոուն հայտնի է իր գործընկերների շրջանում ոչ միայն իր անձը չափազանց արժևորելու համար, այլև նկարահանման հրապարակում դրսևորվող տարօրինակ վարքի համար։ Օրինակ՝ «Երկաթյա մարդը» ֆիլմի նկարահանումների ժամանակ նա պահանջել էր, որ իր գրաֆիկը կազմեն այնպես, որ նա չառնչվի Սքարլեթ Յոհանսոնի հետ, ու արդյունքում նրանք այդպես էլ չտեսնվեցին նկարահանման ողջ պրոցեսի ընթացքում։

Գվինեթը հայտնի է նրանով, որ ստիպում է իր օգնականներին մանրակրկիտ կերպով լվանալ ու չորացնել լոգարանի հատակը, որպեսզի նրա ոտքերը հանկարծ չթրջվեն այն ջրով, որը եղել է ինչ-որ մեկի մարմնի վրա։ Գվինեթը բավականին հաճախ է արհամարհական արտահայտվում իր գործընկերների մասին իր տված հարցազրույցներում։ Օրինակ՝ մի դրվագ նրա հարցազրույցներից. «Երբ տեսնում ես Ռիզ Ուիզերսպունի մակարդակի դերասանուհիների «Անցնելով գիծը» մակարդակի ֆիլմերում, մտածում ես. «Ինչո՞ւ է նա խաղում բոլոր այդ հիմար ռոմանտիկ կատակերգություններում»։ Իհարկե հանուն փողի»։ Դրանից անմիջապես հետո էլ Գվինեթը ցնցեց իր լսարանին՝ հայտարարելով, որ իր համար գլխավոր կյանքի դասը շրջապատի կարծիքի վրա թքած ունենալն է։

5. Բրյուս Ուիլիս

Նկարահանման պրոցեսի բոլոր մասնակիցների կյանքը փչացնող դերասանների ցուցակում իր արժանի տեղն ունի նաև Բրյուս Ուիլիսը։ Նա ոչ միայն ամեն կերպ ընդգծում է իր աստղային կարգավիճակը, այլև հրաժարվում է կատարել պայմանագրի դրույթները, որոնք ի թիվս այլ բաների՝ պարտավորեցնում են նրան մասնակցել պրոմո-նկարահանումների, ֆոտոսեսիաների ու հարցազրույցների։ Խնդրի մասշտաբների մասին վկայում է նաև այն, որ ոչ այնքան հաջողակ «Двойной КОПец» ֆիլմի պրեմիերային դրա ռեժիսոր Քևին Սմիթն իր ճառը եզրափակեց հետևյալ խոսքերով. «Ես ցանկանում եմ շնորհակալություն հայտնել բոլոր այն մարդկանց, ովքեր աշխատել են այս ֆիլմի վրա… բացի Բրյուս Ուիլիսից, ով իրեն որպես տականք դրսևորեց»։

6. Լինդսի Լոհան

Իր կոլեգաների կյանքը դժոխքի վերածելը Լինդսի Լոհանի սիրելի զբաղմունքներից մեկն է։ Աղջիկը, ով ավելի հայտնի է իր սկանդալային արարքների համար, քան կինոյի դերերի, նկարահանման հրապարակում իրեն պահում է այնպես, ասես պրոյեկտի ողջ հաջողությունը կախված է բացառապես նրանից։ Նրա օգնականներից մեկի խոսքով, ով աշխատել է Լոհանի հետ «Զայրույթի կառավարում» սերիալում, նկարահանումների առաջին օրից Լոհանը զբաղվում էր միայն նրանով, որ խաթարում ու դանդաղեցնում էր աշխատանքը։ «Նա կարող էր հրաժարվել դուրս գալ իր թրեյլերից ամբողջ օրվա ընթացքում կամ էլ անսպասելիորեն կարող էր ժամանակից շուտ լքել նկարահանման հրապարակը, որպեսզի հասցնի իր բոյֆրենդի համերգին ներկա գտնվել։ Նա բառիս բուն իմաստով ահաբեկման էր ենթարկում մեզանից յուրաքանչյուրին»։

7. Շերոն Սթոուն

Հոլիվուդի գլխախոր դիվաներից մեկը՝ Շերոն Սթոունը, տքնաջան աշխատել է, որպեսզի դառնա այն, ինչ կա այսօր։ Դերասանուհին խիստ պահանջկոտ է իր հանդեպ ու ոչ պակաս պահանջկոտ շրջապատող մարդկանց հանդեպ։ Իր կոլեգաների կողմից պատկառանք Շերոնը ստացել է, իսկ այ իր նախկին ենթակաների կողմից լավ վերաբերմունք՝ թերևս ոչ։ Դերասանուհու նախկին օգնականն անկեղծորեն կիսվել էր դերասանուհու հետ աշխատելու իր փորձով. «Ես դիմացա նրա օգնականի պաշտոնում մի քանի ամիս ու այսօր ես վստահությամբ կարող եմ ասել, որ նա ինձ համար այս մոլորակի վրա ապրող ամենաատելի մարդն է։ Նա պարզապես անտանելի էր ու անդադար գոռգոռում էր վրաս, իսկ այն պահերին, երբ չէր գոռում, նա նվաստացնում էր ինձ»։