Զինված խմբի երկու վիրավոր անդամները «Էրեբունի» հիվանդանոցում են

 ՀՀ ոստիականության պարեկապահակային ծառայության գնդի տարածքը գրաված զինված խմբի անդամներից երկուսը վիրավոր են և գտնվում են «Էրեբունի» բժշկական կենտրոնում: Այս մասին  տեղեկացրին ՀՀ առողջապահության նախարարությունից` նշելով, որ նրանք վիրավորվել են հուլիսի լույս 2 6-ի գիշերը, վնասվել են նրանց ոտքերը: Նրանց առողջական վիճակի մասին տեղեկությունները ճշտվում են:  

Ավելի վաղ «Հիմնադիր խորհրդարանը» հայտարարություն էր տարածել զինված խմբի անունից` տեղեկացնելով, որ գնդի տարածքում տեղի է ունեցել 2 պատահար: Ոտքերից վիրավորվել են խմբի անդամներ Աշոտ Պետրոսյանը և Հովհաննես Հարությունյանը: Հայտարարության մեջ նշվում է նաև, որ առավոտյան ժամը 7-ի սահմաններում քաղաքացի Արթուր Սարգսյանը իր անձնական օգտագործման մեքենան ամբողջությամբ բեռնել է սնունդով և, ճեղքելով ոստիկանական պատնեշը, հասել գնդի մուտքի մոտ:

Հուլիսի 17-ի առավոտյան մի խումբ զինված անձինք մուտք են գործել ՀՀոստիկանության պարեկապահակային ծառայության գնդի տարածք ևբռնության սպառնալիքով  պահել այնտեղ գտնվող անձանց` պահանջելովազատ արձակել մոտ մեկ ամիս առաջ մի խումբ անձանց կողմից ապօրինիկերպով զենք և ռազմամթերք ձեռ բերելը, փոխադրելը և պահելըկազմակերպելու մեղադրանքով կալանավորված Ժիրայր Սեֆիլյանին:

ՀՀ ոստիկանության պարեկապահակային ծառայության գնդի վրա հարձակման հետևանքով զոհվել է Ոստիկանության գնդապետ Արթուր Վանոյանը:Հարձակման ընթացքում հրազենային վնասվածքներ են ստացել ՀՀ Ոստիկանության գնդապետ Արամ Հովհաննիսյանը, Ոստիկանության փոխգնդապետ Հրաչ Խոստեղյանը, Ոստիկանության ենթասպա Գագիկ Մկրտչյանը: Նրանք մեկ շաբաթվա ընթացքում ազատ են արձակել բոլոր պատանդներին, իսկ վերջին չորսոստիկաններին, այդ թվում՝ ՀՀ ոստիկանության պետի տեղակալ Վարդան Եղիազարյանին և Երևանի փոխոստիկանապետ Վալերի Օսիպյանին ազատ ենարձակել հուլիսի 23-ին: