Կիլոմետրերով սերիալներ են նկարվում՝ պահի տակ կողմնորոշվելով, առանց պրոֆեսիոնալ ռեժիսորի ու լավ սցենարի. Անի Գալստյան

Դերասանուհի Անի Գալստյանն, ով վերջին ամիսներին գրեթե չի հանդիպում հեռուստաէկրաններին, պարզվում է այս ամիսներին բավականին մեծ զբաղվածություն է ունեցել, որոնց պտուղները հանդիսատեսը օրերս կտեսնի: Այս ընթացքում դերասանուհին ներգավվել է Նանոր Պետրոսյանի ռեժիսորությամբ «Մարո» ներկայացման մեջ, որի պրեմիերան կկայանա հուլիսի 31-ին եւ նկարահանվել է Վահիկ Փիրհամզեի, Վահե Բերբերյանի և Հրանտ Թոխատյանի   «3 շաբաթ Երեւանում» ֆիլմում, որի պրեմիերան էլ կկայանա օգոստոսի 4-ին:

Սպասվելիք նախագծերի մասին Անի Գալստյանը պատմել է Life.panorama.am-ին.

«Այս պահին բեմադրում ենք Հ. Թումանյանի «Մարո» պոեմը: Այստեղ փորձել ենք բացահայտել նրա ուղերձների այժմեականությունը՝ առանց պոեմի մեջ փոփոխություն մտցնելու։ Ու՞ր է Մարոն մեր այսօրվա կյանքում ու ի՞ նչ ճակատագիր ունեն մարոները, փորձել ենք հեռանալ հենց Մարոյից և կենտրոնանալ միջավայրի վրա՝ ի՞նչ էին անում շրջապատի մարդիկ, ի՞նչ դիրքորոշում ունեին, երբ Մարոն օտարված էր ու մենակ՝ սարերում։ Անտիկ թատրոնի փորձով՝ բեմում ներկա է պայմանական երգչախումբ՝ ի դեմս համագյուղացիների։ Պոեմի սյուժեն պարբերաբար ընդհատվում է իրավիճակային, նկարագրական էպիզոդներով, որի ընթացքում դերասանները հաղորդակցվում են պայմանական-հնչյունական լեզվով։ Խաղը ներկայացնելու ենք Մոսկվա կինոթատրոնի ամառային դահլիճում, որը թեև այսօր պակաս ֆունկցիոնալ, բայց արվեստով լի ամառային երեկոների մեծ ավանդույթ ունեցող թատերական բացօթյա միջավայր է։ Այնպես որ հուլիսի 31-ին, ժամը՝ 21։00-ին, բոլորին հրավիրում ենք Մոսկվա կինոթատրոնի ամառային դահլիճ՝ Հ. Թումանյանի «Մարոն» մեր մեկնաբանմամբ տեսնելու»,- Life.panorama.am-ի հետ զրույցում ներկայացման մասին խոսելիս՝ նշեց դերասանուհի Անի Գալստյանը:

Շարունակությունն այստեղ: