Հեղաշրջման փորձից հետո Թուրքիայում 44 հազար 530 մարդ է աշխատանքից հեռացվել

Թուրքիայում ռազմական հեղաշրջման ձախողված փորձից հետո ողջ երկրի տարածքում աշխատանքից հեռացվել է 44 հազար 530 մարդ: Այս մասին տեղեկացնում է թուրքական «Անադոլու» գործակալությունը:

Ըստ գործակալության տվյալների` տրանսպորտի, ծովագնացության և կապի նախարարությունից ու դրան կից կառույցներից հեռացվել է 529 մարդ, ազգային կրթության նախարարությունից`21 հազար 738 մարդ, անտառային և ջրային հարցերով նախարարությունից` 197 մարդ, տեղեկատվական տեխնոլոգիաների խորհրդից` 170 մարդ, թուրքական հանրային հեռուստաընկերությունից` 300 մարդ, ռադիոյի և հեռուստաընկերության բարձրագույն խորհրդից` 29 մարդ:

Աշխատանքից հեռացումներ են եղել այլ կառույցներում ևս:

Հուլիսի 15-ի երեկոյան մի խումբ խռովարարներ Թուրքիայում ռազմականհեղաշրջման փորձ են ձեռնարկել: Խռովարարները իրենց հսկողության տակ են առելմի շարք ռազմավարական օբյեկտներ Անկարայում եւ Ստամբուլում, բայց մի քանիժամ հետո խռովությունը ճնշվել է: Վերջին տեղեկություններով` սպանվել է ավելի քան 300 մարդ, որից 100-ը` խռովարարներ, մոտ երկու հազար մարդ վիրավորվել է:

Թուրքիայի իշխանությունները կատարվածի հետևում տեսնում են ԱՄՆ Փենսիլվանիա քաղաքում ապաստանած Ֆեթուլլահ Գյուլենին, ով 2014 թվականին «Մեծ կաշառքի» գործով տեղի ունեցած բացահայտումներից հետո դարձել է Էրդողանի թշնամին: