ՀՀ ուսանող մարզիկները փայլուն են սկսել ելույթները եվրոպական համալսարանական մարզական խաղերում

Խորվաթիայի Զագրեբ և Ռիեկա քաղաքներում հուլիսի 12-25-ն ընթանում են եվրոպական համալսարանական մարզական 3-րդ խաղերը, որի 40 երկրի 400 համալսարանների շուրջ 5 հազար մասնակցիները մեդալներ են խաղարկելու 21 մարզաձևից: Այս խաղերը կազմակերպել է 1999թ. Վիեննայում (Ավստրիա) հիմնադրված Համալսարանական սպորտի եվրոպական ասոցիացիան` European University Sports Association` EUSA-ն:

Ինչպես հայտնում է Խորվաթիայում հանդես եկող ՀՀ պատվիրակության ղեկավար, ՀՀ ուսանողական ֆեդերացիայի նախագահության անդամ, Հայաստանի պետական տնտեսագիտական համալսարանի ֆիզդաստիարակության, ԱԻ և քաղպաշտպանության ամբիոնի վարիչ Հովհաննես Գաբրիելյանը, համալսարանական մարզական այս պատասխանատու ստուգատեսում Հայաստանը ներկայացնում են Ֆիզիկական կուլտուրայի հայկական պետական ինստիտուտի շախմատի ընտրանին, որի կազմում ընդգրկված են գրոսմայստերներ, տղամարդկա նց 2016թ. ՀՀ չեմպիոն Զավեն Անդրեասյանն ու այս տարվա ապրիլին Արաբական Միացյալ Էմիրությունների Աբու Դաբի քաղաքում անցկացված շախմատի աշխարհի համալսարանական 14-րդ առաջնության չեմպիոն Հովհաննես Գաբուզյանը և տղամարդկանց ֆուտզալի վերջին երկու տարիների ՀՀ չեմպիոն ՀՏՊՀ-ի թիմը: Մրցումային վերջին օրը մեր շախմատիստները Խաղերի ծրագրով տղամարդկանց շախմատի մրցաշարին, որտեղ մասնակցում են 17 երկրի 12 թիմերի 38 շախմատիստ, որոնց թվում են 5-ական գրոսմայստեր ու միջազգային վարպետ և ՖԻԴԵ-ի 4 վարպետ, որոնք մրցում են արագ շախմատում, յուրաքանչյուր պարտիայի համար կողմերին տրվում է 25 րոպե:

Մրցաշարն ընթանում է շվեյցարական մրցակարգով, 9 մրցափուլով: Երեկ կայացան առաջին 3 մրցափուլերի հանդիպումները: Գերազանց է ավարտել 21-ամյա գրոսմայստեր Հովհաննես Գաբուզյանը, ով 9 հնարավորից վաստակելով 8 միավոր հռչակվել է համալսարանական խաղերի չեմպիոն։ Շատ հաջող է հանդես եկել նաև 27-ամյա փորձառու գրոսմայստեր Զավեն Անդրեասյանը, ով վաստակած 6.5 միավորով գրավել է 2-րդ տեղը։ Իսկ հուլիսի 14-ին կայացած կայծակնային շախմատի մրցաշարում 5 վրկ + ամեն քայլի համար 3 վրկ, Զավեն Անդրեասյանը չունեցավ հավասարը` 9 հնարավորից հավաքելով 8 միավոր տարավ վստահ հաղթանակ։ Այս մրցաշարում թիմերի 2-ական լավագույն արդյունք ունեցող մասնակիցների արդյունքների հանրագումարի միջոցով կատարվում է նաև թիմային պայքարի հաշվարկ, որտեղ մեր թիմը հավաքած 14.5 միավորով հռչակվել է խաղերի հաղթող։ Տղաների գործուղման բոլոր ծախսերը կատարվել է համալսարանական սպորտի լավագույն գործընկեր Հայաստանի երիտասարդական հիմնադրամի կողմից։

Խաղերի ծրագրով տղամարդկանց ֆուտզալի մրցաշարը ընթանալու է հուլիսի 16-24-ը: Այստեղ հայտավորվել են մասնակցելու 18 երկրի 22 թիմեր: Խորվաթիան ներկայացրել է 4, Պորտուգալիան 2 թիմ, մասնակից մյուս երկրները, այդ թվում նաև Հայաստանը 1-ական թիմ: