Սոցիալական մեդիայի պատմության մեջ ամենաշատ լայքեր հավաքած լուսանկարը պատկանում է Սելենա Գոմեզին

Սելենա Գոմեզը, ով արդեն 89.1 միլիոն հետևորդ ունի Ինսթագրամում, այս ամիս փայլեց իր՝ սոցիալական մեդիայի պատմության մեջ ամենաշատ լայքեր հավաքած լուսանկարով: 23-ամյա երգչուհու լուսանկարը լայքել են 4 միլիոն մարդ:

Ամենաշատ լայքված լուսանկարը տեղադրվել է 2 շաբաթ առաջ: Լուսանկարում Սելանան կարմիր բլուզով, մազերի նոր հետաքրքիր գույնով, իր՝ նոտայի տեսքով դաջվածքով և կարմիր գույնի մատնահարդարմամբ Coca-Cola է ըմպում: Սելենան լուսանկարը մեկնաբանել է. «Երբ երգիդ բառերը շշի վրա են:» Հիշեցնենք, որ Սելենա Գոմեզի երգը վերջերս օգտագործվել է Coca-Cola-ի գովազդի մեջ, և ինչպես կռահեցիք, նրա երգի բառերը գրված են շշի վրա:

Միգուցե նրա գեղեցիկ ալիքված վարսերը, կամ հմայիչ աչքերն են պատճառը, բայց մի բան հաստատ է. Սելենան հրաշալի տեսք ունի և շատ գրավիչ է:

Սելանան ունի շատ մեծ և նվիրված երկրպագուների բանակ, և բացի այդ նա հիմա համաշխարհային շրջագայության մեջ է և նոր ալբոմ է պատրաստում: Սելենան նաև հայտնի է հանդիսատեսին իր «Վեյվերլիի հրաշագործները» սերիալից: Այնուամենայնիվ, նա իր հայտնության համար պարտական է իր՝ վաճառված ավելի քան 6.7 միլիոն ալբոմներին և 22 միլիոն սինգլներին:

Ամենաշատ լայքված լուսանկարների երկրորդ տեղում է Ջասթին Բիբերի լուսանկարը, որտեղ նա համբուրվում է Սելենայի հետ: Լուսանկարն արվել էր մի քանի տարի առաջ, երբ դեռ Ջասթինը և Սելենան հանդիպում էին: Լուսանկարը հավաքել է 3.7 միլիոն լայք:

Ջասթին Բիբերի լուսանկարին հաջորդում է Քիմ Քարդաշյանի քույր Քենդալ Ջենների՝ 2015 թվականին հրապարակված և բավականին հայտնի դարձած լուսանկարը: Այն ունի 3.7 միլիոն լայք:

Իսկ ձեր կարծիքով՝ ո՞վ կլինի Ինսթագրամի հաջորդ թագուհին:

 

Նյութը հրապարակման պատրաստեց Past.am-ը: