Ի՞նչ նոր սիթքոմ է սպասվում հայկական հեռուստաեթերում

BlogNews-ը գրում է.

«Խոպանի տեսություն» սիթքոմն ավարտվել է, սակայն դերասան Անդրանիկ Հարությունյանը՝ Անդոն, շարունակելու է աշխատել «Շանթ» հեռուստաընկերության հետ։BlogNews-ի հետ զրույցում Անդոն հայտնեց, որ նկարահանվելու է «Շանթի» նոր սիթքոմում։

«Նկարահանումները դեռ չենք սկսել, սակայն գաղափարը կա։ Այսօր էլ գնալու ենք քննարկումների։ Շատ հետաքրքիր սիթքոմ է սպասվում, մնում է իրականացնենք։)»,- ասաց դերասանը։

Խոսելով «Արմենիա TV»-ի հետ համագործակցության մասին՝ Անդոն նշեց, որ չի հեռացել Արմենիայից։ «Եթե հրավեր լինի լավ պայմաններով, կրկին կաշխատեմ։ Այնպես չէ, որ այլ առաջարկներ չկան, բայց «Շանթի» առաջարկներն ավելի հետաքրքիր ու լավն են»,- ասաց նա։ Հարցին՝ «Շանթում» ավելի լավ հոնորարնե՞ր են առաջարկում, Անդոն պատասխանեց. «Ոչ միայն հոնորարները։ Նկարահանման օրերն են քիչ, հետաքրքիր նախագծեր են, ինչու ոչ, նաև՝ հոնորարը»։

Դերասանից տեղեկացանք, որ առաջիկայում ևս մեկ նորություն է լինելու։ Անդոն հաղորդում է վարելու, սակայն առայժմ չի բացում գաղտնիքները, թե ինչ է սպասվում և որ հեռուստաընկերությամբ:)

Ինչ վերաբերում է ամառային հանգստին՝ Անդոն ասաց, որ դեռ չեն որոշել՝ ինչպես այն կկազմակերպեն։ «Ես ու Մերին հաշվում էինք, թե որքան գումարով ուր կարելի է գնալ հանգստանալու, զգացինք, որ բոլորովին հոգնած չենք:) Դեռ հանգստանալու ծրագրեր չունենք, առույգ, աշխույժ ապրում ենք։) Եթե այլ տեղ չգնանք, ծննդավայրս՝ Դիլիջանը, կա ու կա. անվճար վայելում ենք Հայաստանի ամենաթանկ հանգիստներից մեկը։) Կգամ, կասեմ Դիլիջանում եմ հանգստացել։)»,- եզրափակեց նա։