Ինչպես է պատրաստվում հանգստանալ Էրիկն այս ամռանը

Նոր երգեր, ձայնասկավառակներ, ծրագրեր. երգիչ Էրիկն ամռանն առաջին կեսը նախընտրում է ջանասիրաբար աշխատել:

 Tert.am Life-ի հետ զրույցում  երգիչը նշեց, որ իր հանգիստը նախատեսել է անցկացնել օգոստոսին ծովափնյա քաղաքներից մեկում:

 «Առայժմ աշխատանքային շրջան է ինձ մոտ, բայց պլանավորել եմ օգոստոսին անպայման մեկնել հանգստի: Ճիշտ է, տեղը դեռ չեմ ընտրել, բայց ցանկանում եմ գնալ այնպիսի քաղաք, որտեղ կա ծով, արև: Արդեն մի քանի տարի է չի ստացվել ինձ մոտ հանգիստը, միշտ համերգային շրջագայության ենք եղել եւ լիարժեք չեմ հանգստացել: Բայց այս տարի անպայման պետք է գնամ»,- ասաց Էրիկը:

 

 Էրիկի երազանքների քաղաքը Բարսելանան է. «Շատ քաղաքներում եմ եղել թե՛ գործնական և թե՛ հանգստի նպատակով, բայց Իսպանիայում երբևիցե չի ստացվել: Ինձ հետաքրքիր է այդ քաղաքը»:

 Հնարավոր է, Էրիկն իր հանգիստն անցկացնի ընկերների հետ, բայց դեռ ոչինչ հստակեցված չէ: Էրիկի խոսքով. «Նախընտրում եմ պասիվ հանգիստ, քանի որ առանց այդ էլ մեր կյանքն ակտիվ է` համերգներ, ձայնագրություններ, նկարահանումներ: Սիրում եմ հանգստանալ և Հայստանում, և արտերկրում: Չեմ ասի հաճախ, բայց երբեմն ընկերներիս հետ մեր հանգիստն անցկացրել ենք Դիլիջանում, Սևանում, Ծաղկաձորում, Սյունիքի մարզում էլ շատ գեղեցիկ և հանգիստ վայրեր կան, որտեղ կարող ես լիարժեք հանգստանալ: Հայրենիքում հանգստանալիս այնպիսի զգացողություն է, որ կարծես տանդ մի անկյունում լինես, իսկ արտերկրում` ակամայից սկսում ես նորը բացահայտել»:

 

 Ամառային հանգստից հետո երգիչն իր երկրպագուներին կներկայանցնի նոր երգեր, տեսահոլովակներ: Էրիկը նաև ցանկանում է համերգային ծրագրով ներկայանալ ինչպես Հայաստանի մարզերում, այնպես էլ Արցախում: