Ռուբեն Վարդազարյանը 40 միլիոն դրամով նոր ավտոմեքենա է գնել

Կենտրոն եւ Նորք-Մարաշ վարչական շրջանների ընդհանուր իրավասության դատարանի նախագահ Ռուբեն Վարդազարյանը նախորդ տարի վաճառել է իր 19 միլիոն դրամ արժողությամբ AUDI Q7 3.6 մակնիշի եւ չորս միլիոն դրամ արժողությամբ VAZ 21102 մակնիշի ավտոմեքնաները՝ փոխարենը 39 միլիոն 800 հազար դրամ արժողությամբ AUDI Q7 3.0L մակնիշի ավտոմեքենա գնելու համար:

Այս մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողովի կայքում հրապարակված 2015թ. տարեկան հայտարարագրից:

Ըստ հայտարարագրի՝ դատավորը 2015թ. սկզբին 50 հազար ԱՄՆ դոլարի չափով փոխառություններ է ունեցել, ինչը տարեվերջին արդեն իրեն վերադարձրել են:

Ռուբեն Վարդազարյանի դրամական միջոցները նախորդ տարվա սկզբին կազմել են 15 միլիոն դրամ եւ 55 հազար ամերիկյան դոլար, իսկ տարեվերջին նվազել՝ կազմելով երկու միլիոն դրամ եւ 47 հազար ԱՄՆ դոլար:

Պաշտոնյայի 2015թ. եկամուտները ընդհանուր կազմել են 34 միլիոն 63 հազար 484 դրամ, որից միայն 23 միլիոն դրամը ավտոմեքենաների վաճառքից ստացված եկամուտն է, մեկ միլիոն 150 հազար 147 դրամը փոխառություններից ստացված տոկոսը եւ ինը միլիոն 846 հազար 809, 36 հազար 288 եւ 30 հազար 240 դրամն էլ ստացված աշխատավարձը:

Քրիստինա Տեր-Մաթեւոսյան