Սեռերի պատերազմ. լավ սիրեկան

Քնքուշ, զգայուն, կրքոտ, ուժեղ… Ինչպիսի՞ն է նա՝ լավ սիրեկանը: Տղամարդկանց ճնշող մեծամասնությունը վստահ է իր սեռական կայացվածության մեջ: Նրանք մոլորության մեջ են, եթե կարծում են, թե հիանալի սիրեկաններ են գոնե այն պարզ պատճառով, որ առնանդամ ունեն: Սակայն կինը, բնության խելամտությամբ կամ աստվածների չար կատակով, մի փոքր այլ կառուցվածք ունի: Եվ առնանդամը բավական չէ, որպեսզի աչքերից կայծեր թափվեն եւ մարմինն օրգազմի ցնցումների մեջ հայտնվի: Ցավոք՝ որոշ տղամարդկանց այս պարզ ճշմարտությունը հասու չէ:

Լավ սիրեկանն առաջին հերթին նա է, ով գուշակում է ցանկությունները: Այո, համաձայն եմ, այդ կանացի բնորոշում է: Բայց կանայք այդպիսին են: Այդպիսի տարօրինակ կառուցվածք ունի մեր ուղեղը: Մենք չենք ուզում ուղիղ ասել, նախընտրում ենք, որ գուշակեն, նույնիսկ եթե ստիպված պետք է լինեն գլուխ կոտրել այդ հարցի շուրջ: Մենք կարող ենք ակնարկել՝ ճկվելով եւ համբույրի համար մատուցելով մարմնի որոշակի հատվածը, կրքոտ նայել աչքերին՝ փորձելով զուգընկերոջը հասկացնել մեր ցանկությունները, սակայն համառորեն կլռենք՝ կծելով ստորին շրթունքը, ինչը դուք՝ տղամարդիկ, հաճախ ուժեղ կիրքը արտահայտություն եք համարում:

Լավ սիրեկանը հիանալի տեղեկացված է կնոջ ֆիզիոլոգիայից: Ծլիկը գտնելու համար նրան կողմնացույց պետք չէ: Նա նաեւ գիտի, որ կրծքից բացի, էրոգեն այլ հատվածներ էլ կան: Նրա շարժումները տարբեր են, նա այնքան ճկուն եւ հմուտ է, որ միշտ կարողանում է գտնել խորհրդավոր G կետը:

Լավ սիրեկանը նրբորեն զգում է զուգընկերուհուն: Հմտորեն եւ հանգիստ ազատելով նրան ամոթխածությունից եւ բարդույթներից՝ թույլ է տալիս արտահայտել գաղտնի ցանկությունները: Նա գիտի, թե երբ պետք է ականջին նուրբ հիմարություն կամ կրքոտ լկտիություն շշնջալ, երբ քաշել մազերը, կծել ականջը կամ կրքոտ շոյել վիզը:

Եվ գլխավորը. յուրաքանչյուր կնոջ համար լավ սիրեկանը նա է, ում կինը սիրում է: Եվ թող նա մեծ սեքսի փոքրիկ հսկա լինի, կնոջ համար նա միշտ լավագույնն է, միակն ու անկրկնելին: Չէ՞ որ «ով մեր առաջինը չէ, մեր երկրորդն է»:

Լուիզա Սաքունց

NEWS.am STYLE