Թուրքիան իր կողմից խոցված «Սու-24»-ի համար Ռուսաստանին չի փոխհատուցելու
ՄԻՋԱԶԳԱՅԻՆԼուսանկարը՝ ՌԴ ՊՆ մամլո ծառայություն
Թուրքիայի վարչապետ Բինալի Յըլդըրըմը հայտարարել է, որ Թուրքիան չի պատրաստվում փոխհատուցում վճարել Ռուսաստանին՝ անցած տարի խոցված «Սու-24» ինքնաթիռի համար: Այս մասին այսօր հայտնում է Hurriyet-ը:
Յըլդըրըմը նշել է, որ Թուրքիան միայն ներողություն է խնդրել, փոխհատուցման մասին խոսք չի եղել:
Իսկ ավելի վաղ, ինչպես տեղեկացրել էր ռուսական Дождь կայքը, Յըլդըրըմը TRT հեռուստաալիքի եթերում հայտարարել էր, որ Անկարան պատրաստ է փոխհատուցել Ռուսաստանին խոցված ռմբակոծիչի համար:
Երեկ Թուրքիայի նախագահ Էրդողանը Ռուսաստանի նախագահ Վլադիմիր Պուտինին ուղերձ էր հղել, որտեղ ներողություն էր հայտնել 2015թ. նոյեմբերին ռազմական «Սու-24» ինքնաթիռը խոցելու համար: Կրեմլի կայքում հրապարակված հաղորդագրության մեջ ասված է, որ Էրդողանն իր ցավակցությունն է հայտնում ռուսական ինքնաթիռի զոհված օդաչուի ընտանիքին:
«Թուրքիան երբեք ցանկություն կամ դիտավորություն չի ունեցել խոցել Ռուսաստանի Դաշնությանը պատկանող ինքնաթիռը»,- ասված է հաղորդագրության մեջ:
Քրիստինա Տեր-Մաթեւոսյան
1
Դաժան uպանություն Աբովյան քաղաքում․ ի՞նչ է եղել. ՏԵՍԱՆՅՈՒԹ
2
Կենդանակերպի երեք նշաններ, որոնք կհարստանան 2026 թվականին
3
Նոր մանրամասներ՝ Հանրապետությունը ցնցած, Աբովյան քաղաքում՝ մարդաշատ վայրում, տեղի ունեցած միջադեպից
...
4
Աբովյան քաղաքում 24 տարեկան տղային սպանողներին չեն գտել. կալանքի դիմում
5
Ջուր չի լինելու նոյեմբերի 13-ին, 17-ին և 18-ին



