Եվրամիությունը պետք Է մինչեւ տարեվերջ նոր հիմնարար պայմանագիր ընդունի. Սարկոզի

Եվրամիությունից Մեծ Բրիտանիայի դուրս գալու որոշումը սաստիկ հարված Է հասցնում միությանը, մնացած 27 երկրները պետք Է մինչեւ տարեվերջ նոր հիմնարար օրենք համաձայնեցնեն ԵՄ-ի համար: Այս կարծիքն Է հայտնել Ֆրանսիայի նախկին նախագահ (2007 –  2012), «Հանրապետականներ&r aquo; խոշորագույն ընդդիմադիր կուսակցության առաջնորդ Նիկոլա Սարկոզին Le Journal du Dimanche թերթում հունիսի 26-ին հրապարակված հարցազրույցում:    

Քաղաքական գործչի խոսքով՝ բրիտանական հանրաքվեի արդյունքն իր համեր սպասելի Էր՝ «հաշվի առնելով վերջին տարիներին Եվրոպայի ղեկավարների համառ հրաժարումն զբաղվելու միության առջեւ ծառացած խնդիրներով»:   

Սարկոզին համոզված Է, որ ստեղծված իրավիճակում միակ ճիշտ պատասխանը կդառնա «Եվրոպայի համար նոր հիմքեր դնելը»: «Դա նշանակում Է, որ Եվրամիությունը պետք Է  վերադարձնի իր ճակատագրի նկատմամբ վերահսկողությունը՝ կենտրոնանալով երեք գլխավոր հանգամանքների վրա. պաշտպանություն, որը նա պարտավոր Է ապահովել եվրոպացիների համար, անվտանգություն, որն անհրաժեշտ Է երաշխավորել նրանց, ազգերի եւ ժողովուրդների ինքնության հարգում: Գործել անհրաժեշտ Է անհապաղ, քանի որ այդ ոլորտներում պահանջող որոշումներն առանց այդ Էլ մշտապես հետաձգվել են»,- կարծո ւմ Է նա:  

«Վերջապես, անհրաժեշտ Է հստակորեն ասել, որ Եվրամիության ընդլայնմանը վերջ Է տրված, եւ դրանով իսկ հրաժարվել այն երկերեսանությունից, որն այժմ գերիշխում Է Թուրքիայի հետ մեր հարաբերություններում, որը չպետք Է ինտեգրվի Եվրամիությանը»,- մատնանշել Է նա, հաղորդել Է ՏԱՍՍ-ը: