Ջուսը սեքսով չի զբաղվում գումարի դիմաց եւ շատ երկար ժամանակ սեռական հարաբերություններ չի ունեցել

Օրեր առաջ երգչուհի Ջուսը սկանդալային հայտարարություն էր արել. «Այո, կմերկանամ, եթե ինձ տան մեծ գումար: Ջուսը կմերկանա տաս հազար դոլարով: Դա կլինի նոր սկանդալ հայկական շոուբիզնեսում, նկարները կտարածվեն բոլոր կայքերում, ֆոտոշարքը կլինի ամենաքննարկվողը: Սակայն մինչև վերջ չեմ մերկանա, քանի որ դա ինձ համար անհետաքրքիր կլինի»,- ասել էր երգչուհին:

Նյութը հրապարակվելուն պես Ջուսի կողմ հեղեղվեց վատ արձագանքների մի ամբողջ շարք: Ի պատասխան այդ ամենի Ջուսը տարածել է մի նամակ, որտեղ նա անդրադարձել է իր մասին հնչած գնահատականներից երկուսին: 

«Ես զարմանում եմ, մարդիկ ինչքան կարող են ստոր լինել: Խոսքս ուղղում եմ Սոնա Սիլվերին՝ դու ինչպե՞ս կարող ես նման կերպ «բլթացնել» իմ անձի շուրջ, թող Սոնա Սիլվերը դառնա Ջուս, հասնի այն աստիճանին, ինչին ես եմ հասել, ու նոր իրավունք կունենա իր կարծիքը արտահայտել: Ես սեքսով չեմ զբաղվում գումարի դիմաց, ինչպես անում են շատերը, ավելին, ես շատ երկար ժամանակ սեռական հարաբերություններ չեմ ունեցել, որովհետեւ չեմ գտնում իմ երկրորդ կեսին, ավելին ասեմ, ինձանից նրան խորհուրդ, որ գնա և ամսագրերից մեկի համար կիսամերկ ֆոտոշարք պատրաստի, որ գոնե սկսեն իր մասին խոսել: Սոնա Սիլվերը մեկն է, որ հավաքույթների ժամանակ գալիս և ժպտադեմ ողջունում է ինձ, իսկ հետո նման կերպ արտահայտվում, էլ ի՞նչ կարելի է սպասել նման կերպարից: Եվ մի բան էլ ավելացնեմ՝ չի կարելի գործընկերների մասին բարձրաձայն խոսել ու քննադատել, պետք է ունենալ ներքին կուլտուրա և հասկանալ, որ դա անտակտ է:

Իսկ պարոն Քոչարյանին ուզում եմ տեղեկացնել, որ ես այն միակներից էի, որ Ղարաբաղում պատերազմի ժամանակ Նադեժդա Սարգսյանի «Հայեր» խմբով երգում էի տանկերի վրա՝ արկերի տակ կանգնած՝ հայ զինվորներին ոգեշնչելու համար, երգում էի հայկական ժողովրդական երգեր, ես այն միակներից եմ եղել, որ Սպիտակի երկրաշարժի ժամանակ 9 տարեկան հասակում Արմեն Դիվանյանի «Առվակ» խմբով երկրաշարժի գոտում երգում էի՝ մարդկանց կյանք վերադարձնելու համար: Պարո՛ն Քոչարյան, ես այն եզակիներից եմ, որ մասնակցել է «Royal festival hall» համերգին՝ Լոնդոնում, որից հետո լոնդոնյան «Gardian» թերթը տպագրեց նյութ իմ ելույթի մասին, որին հետևեց այն, որ իմ երգը դարձավ հիթ BBC ռադիոկայանում, ինչպես նաև այն երգչուհիներից եմ, որ ստացել եմ պատվոգիր ՌԴ նախագահ Վլադիմիր Պուտինի կողմից՝ հիանալի ելույթի համար: Իսկ այն անձանց, որոնց մասին Դուք նշել էիք հոդվածում, ես հարգում և սիրում եմ և նաեւ հավելեմ, որ երբ ես էլ հասնեմ այդ տարիքին՝ իրավունք կունենամ դասվել նրանց շարքերում:

Հարգանքներով՝ Ջուս»