Սննդակարգ՝ առողջ ատամների համար

ԼԱՅՖ 28 Հունիս, 2016 0:13

Միայն պատկերացրեք, թե ինչքան են մեր ատամներն «աշխատում» ամբողջ կյանքի ընթացքում: Ածխաջրեր, ճարպեր, սպիտակուցներ, վիտամիններ, թթուներ. օրգանիզմին առողջ սնունդ մատակարարելու համար անհրաժեշտ են առողջ ատամներ: Մասնագետները կարծում են, որ ատամների առողջության ամենագլխավոր թշնամին ածխաջրերն են: Դրանք կենսատու էներգիայի աղբյուր են: Ածխաջրերով հարուստ են բոլոր մրգերը, բանջարեղենները, մեղրը, կաթը, հացը, կարտոֆիլը, բրինձը և բոլոր հացահատիկները: Իհարկե, անհնար է զրկել քեզ այս ամենից, ինչպես նաև գեղեցիկ և առողջ ատամներից: Պարզապես պետք է կանոնավոր հետեւել մի քանի խորհուրդների:

Սնվեք կարգավորված: Կերեք ամեն ինչ, բայց քիչ քանակությամբ: Չէ որ օրգանիզմը և ատամները նույնպես ամբողջական սննդի կարիք ունեն: Ձեր սննդակարգում պետք է լինի ինչպես բուսական, այնպես էլ կենդական սնունդ: Սնունդը պետ ք է լավ և երկար ծամել:
Փքաբլիթներ, կեքսեր, տորթեր. այս ամենը կարիեսի հարուցիչներ են, նրանք քայքայում են էմալը: Օրգանիզմի համար օգտակար մրգերը, չրերը, հյութերը դառնում են վտանգավոր շաքարի հետ օգտագործելիս: Դրա համար նախապատվությունը տվեք ելակին, և ոչ թե ելակի ջեմին, բնական հյութին, այլ ոչ թե կոմպոտին, չամիչին,այլ որ թե չամչով շոկոլադին:

Օրվա ընթացքում անընդհատ մի ծամեք: Կրեկերները, չիփսերը, կոնֆետները, որոնք ուղղակի հաճույքի համար եք ուտում, բացառեք: Հաճախակի սնվելը նույնպես բերում է էմալի քայքայման: Թույլ տվեք ատամներին հանգստանալ: Այդ դադարը պետք է լինի 1-2 ժամ:

Ուտելիքները կերեք գոլ վիճակում: Պետք չէ սնվել շատ տաք կամ շատ սառը սնունդով: Հատկապես վտանգավոր են ատամների առողջության համար ջերմաստիճանի կտրուկ փոփոխությունները: Օրինակ' պաղպաղակը տաք սուրճի հետ շատ համեղ է, բայց վնասակար:

Շատ օգտակար է ատամների համար ամեն անգամ սնվելուց հետո բերանը ողողելը: Ավելի լավ է իհարկե լվանալ ատամները ամեն անգամ սնունդ օգտագործելուց հետո, բայց դա միշտ չէ, որ հնարավոր է:

Ամեն օր կերեք 1-2 հատ հում գազար կամ պինդ խնձոր: Դա մեխանիկորեն ատամների մաքրում կլինի, իսկ լնդերի համար' մերսում: Կերեք նեխուր, արախիս, բայց ոչ շաքարի կամ աղի հետ:

Եվ ամենակարևորը' մաքրեք ատամները օրվա ընթացքում ամենաքիչը 2 անգամ: Տարվա մեջ ամենաքիչը երկու անգամ էլ այցելեք ատամնաբույժին, անգամ եթե առողջ են ատամները եւ Ձեզ չեն անհանգստացնում: