Ինչն է քեզ խանգարում գտնել քո երկրորդ կեսին

ԼԱՅՖ 28 Հունիս, 2016 0:25

1. Աղջիկները թերագնահատում են իրենց

Վերջ տուր քեզ թերագնահատելուն եւ մշտապես մտածելուն, թե նա կարող է քեզանից ավելի խելացի, գեղեցիկ, սլացիկ մեկին գտնել: Երբեմն աղջիկներն այնքան են բարդույթավորվում, որ նրանց արժանիքները բոլորովին չեն երեւում դրա պատճառով: Ինքնավստահ աղջիկը ուշադրություն է գրավում, նույնիսկ եթե նրա արտաքին հեռու է իդեալական լինելուց (ինչը շատ սուբյեկտիվ բան է): Նախ եւ առաջ անհրաժեշտ է ինքն իրեն սիրել եւ այդ դեպքում քեզ համար ավելի հեշտ կլինի մարդկանց հետ հարաբերություններ կառուցել:

2. Ավելորդ եռանդ

Չարժե երիտասարդի հետ ծանոթանալուց անմիջապես հետո նրան ցույց տալ քո 100 տոկոսանոց պատրաստակամությունը հարաբերություններին, ընտանիքին, երեխաներին, նույնիսկ եթե դու արդեն 10 տարի միայն դրա մասին ես երազում: Տղամարդիկ վախենում են կնոջ կողմից նման վճռականությունից, եւ դա կարելի է հասկանալ: Ոմանց համար դժվար է հարաբերություններ ստեղծելու քաջություն գտնել, հատկապես եթե թիկունքում որոշակի (եւ հաճախ տհաճ) փորձ կա: Ամեն ինչ պետք է ժամանակին լինի, պետք է արագացնել իրադարձությունները:

3. Հարմարավետության գոտի

Տղամարդու հետ հարաբերություններում անհրաժեշտ է հարգել իրար հարմարավետության գոտին եւ չջանալ տեղաշարժել դրա սահմանները: Եթե դու ուզում ես մենակ մնալ, նրան ասա այդ մասին եւ ըմբռնումով ընդունիր այն փաստը, որ քո երկրորդ կեսը եւս հանգստի կարիք ունի: Հակառակ դեպքում այդ հարաբերությունները երկար չեն շարունակվի եւ դու դարձյալ մենակ կմնաս:

4. Բաց խոսիր, բայց ավելորդ բաներ մի ասա

Այո, հակասական է հնչում, բայց փաստ է. ցանկացած հարաբերության մեջ անհրաժեշտ է անկեղծ լինել, միաժամանակ մի փոքր չասված բան թողնելով: Օրինակ, պարտադիր չէ, որ նա իմանա, թե դու քանի սեռական զուգընկեր ես ունեցել եւ որ դիրքում ես սիրել սեքսով զբաղվել նախկինի հետ, բայց քո հակումների մասին (ցանկացած) քո նոր զուգընկերը պետք է ամեն ինչ իմանա:

5. Քեզ մի զոհաբերիր հանուն նրա

Շատ աղջիկներ հարաբերություններում կատարյալ «պլաստիլին» են դառնում: Նրանք մոռանում են իրենց հակումների, ընկերների, ուսման մասին եւ ամբողջությամբ ընկղմվում են սիրելի մարդու կյանքի մեջ` փոխառելով նույնիսկ նրա սովորույթները: Չարժե այդքան զոհաբերվող լինել, դա հարաբերությունների անառողջ սխեմա է, որոնք երբեք որեւէ լավ բանով չեն ավարտվում: