Դիտորդներն ընտրողների ակտիվ մասնակցություն են նշում բրիտանական հանրաքվեում

ԵՄ-ին Մեծ Բրիտանիայի անդամակցության հարցի շուրջ հանրաքվեին ընտրողների մասնակցությունը տեղական ժամանակով առավոտյան ժամը 11:30-ի (Երեւանի ժամանակով ժամը 14:30-ին) դրությամբ կազմել Է ավելի քան 25 տոկոս: Դա, ինչպես տեղեկացնում Է «Արմենպրես»-ը, արձանագրել են Dods Training միջազգային խորհրդատվական ընկերությունից դիտորդները, որոնք այցելել Էին Անգլիայի հյուսիս-արեւմուտքում գտնվող ընտրատեղամասեր:

«Այն ընտրական տեղամասերում, ուր մենք այցելել Էինք երկրի հյուսիս-արեւմուտքում, քվեարկությանը մասնակցությունը 11:30-ի դրությամբ գերազանցում Էր 25 տոկոսը: Սպասվում Է, որ հանրաքվեի արդյունքներով մասնակցությունը բարձր կլինի»,-նշել Է ընկերությունը Ywitter-ում, հավելելով, որ ընտրողներն ակտիվորեն գնում են քվեարկելու, երբեմն ընտրական տեղամասերում ոչ մեծ հերթեր են առաջանում:

Փորձագետների կարծիքով՝ քվեարկության արդյունքն ուղղակիորեն կապված Է մասնակցության հետ: Եթե այն գերազանցի 60 տոկոսը, դա կնշանակի Brexit-ի հակառակորդների ճամբարի հաղթանակը:

Բրիտանական հանրաքվեն մեկնարկել է առավոտյան ժամը 7-ին (Երեւանի ժամանակով՝ ժամը 10:00-ին): Ընտրական տեղամասերն ամբողջ Մեծ Բրիտանիայում, Հյուսիսային Իռլանդիայում եւ Ջիբրալթարում, կաշխատեն մինչեւ ժամը 22:00-ն: Դրանցում կկարողանան քվեարկել 46,5 մլն ընտրողներ:

Ձայների հաշվարկը կսկսվի ընտրատեղամասերի փակումից անմիջապես հետո: Քվեարկության առաջին արդյունքները կամփոփվեն հունիսի 24-ի գիշերը ժամը մոտավորապես 02:00-ին (Երեւանի ժամանակով՝ ժամը 05:00-ին): Արդյունքները կհայտարարվեն ուրբաթ առավոտյան Մանչեսթրում, որտեղ գտնվում է ձայների հաշվման կենտրոնական շտաբը, հաղորդել է ՌԻԱ Նովոստին: