«Եվրո 2016». Գերմանիան հաղթեց Հյուսիսային Իռլանդիային

 Եվրո 2016-ի C խմբում ավարտվեց պայքարը: Գերմանիայի և Հյուսիսային Իռլանդիայի հավաքակաները հանդիպեցին «Պարկ դե Պրենս»-ում: «Արմենպրես»-ը հաղորդում է, որ Գերմանիա-Հյուսիսային Իռլանդիա հանդիպումն ավարտվել է 1-0 հաշվով՝ հօգուտ Գերմանիայի:

Հյուսիսային Իռլանդիա - Մակգովերն, Հյուզ, Կետկարտ, Մակաուլի, Ջ. Էվանս, Կ. Էվանս, Մակնեյր, Դեւիս, Ուորդ, Դալաս, Վաշինգտոն

Գերմանիա - Նոյեր, Կիմիխ, Բոատենգ, Հումելս, Հեկտոր, Խեդիրա, Կրոս, Մյուլեր, Օզիլ, Գյոտցե, Գոմես

Գլխավոր մրցավար`Կլեյման Տուրպեն:

Գերմանիա-Հյուսիսային Իռլանդիա հանդիպման առաջին խաղակեսն  ընթացավ ամբողջությամբ մեկ դարպասի ուղղությամբ: Գերմանիան գրոհում էր, Գերմանիան պայքարում, Գերմանիան գոլի հեղինակ դառնում: Հյուսիսային Իռլանդիայի անհաջողությունները սկսվեցին 7-րդ րոպեից: Դարպասապահ Մակգովերնը հանդիպման 7,11, 12-րդ րոպեներին պարզապես հիանալի խաղաց դարպասային գծի վրա և ետ մղեց Մյուլերի, Օզիլի և Գյոցեի հարվածները: Դարպասապահը միայնակ դուրս էր եկել Գերմանիայի հավաքականի հարձակվողների դեմ: Մյուլերի առանց գոլ հանդիպումների շարքը այս խաղի 1-ին կեսում էլ  շարւնակվեց: 23-րդ րոպեին «Բավարիա»-ի ֆուտբոլիստի հարվածը շեղ ընթացավ: Հյուսիսիռլանդացիներն առաջին հարվածը դեպի Գերմանիայի դարպասը կատարեցին միայն 26-րդ րոպեին, որից հետո Նոյերը հանգիստ վերցրեց գնդակը: Թոմաս Մյուլերը իր հերթական պահը կորցրեց 27-րդ րոպեին, վերջինիս հարվածից հետո գնդակը դիպավ ուղղահայաց դարպասաձողին: Գերմանիան հաջորդ իսկ գրոհով վերջապես հասավ իր նպատակին: Մյուլերը կրկին հայտնվեց տուգանային հրապարակում, սակայն հասկանալով,որ նորից վրիպելու է, գնդակը հասցեագրեց Մարիո Գոմսեսին, վերջինս բացեց խաղի հաշիվը` 1-0: Իսկ Մյուլերի ա նհաջողությունները դեռ շարունակվում էին: 34-րդ րոպեին գերմանացի ֆուտբոլիստը կրկին հարվածեց դարպասաձողին, այս անգամ` արդեն հորիզոնական: Գերմանացիները 1-ին կեսը եզրափակեցին Սամի Հեդիրայի և Մարո Գոմեսի հարվածներով, որից հետո Հյուսիսային Իռլանդիան փրկվեց: 1-ին կեսը ավարտվեց 1-0 հաշվով հօգուտ Գերմանիայի:

2-րդ խաղակեսում խաղադաշտում պատկերը իրական փոփոխություններ չկրեց: Գերմանիան առաջ էր շարժվում, իսկ Հյուսիսային Իռլանդիան պաշտպանվում: Գերմանիայի հավաքականը 52-ից 57-րդ րոպեներին ստացավ 3 հիանալի հնարավորություն դարպասը գրավելու համար: Գյոցեն  1-ին դեպքում հարվածեց, Մակգովերնը հիանալի խաղաց` փրկելով իր թիմին, երկրորդում գերմանացին շեղ հարվածեց: Հյուսիսիռլանդացի դարպասապահի հերթական հրաշքը Սամի Հեդրիայի հարվածից հետո էր: Գերմանիան գրոհում էր , սակայն առավելությունը մեծացնել այդպես էլ չէր հաջողվում: Մակգովերնը 82-րդ րոպեին էլ ստիպվ ած էր խաղի մեջ մտնել: Այս անգամ նա Մարիո Գոմեսին չեզոքացրեց: Հանդիպումը այդպես էլ ավարտվեց Գերմանիայի ընտրանու նվազագույն առավելությամբ: Բունդեսթիմը վաստակեց 7 միավոր և C խմբում գրավեց 1-ին տեղը: Հյուսիսային Իռլանդիան 3 միավորով մնաց 3-րդ տեղում և լրացուցիչ ցուցանիշներով հավակնում է շարունակել պայքարը 1/8 եզրափակչում`  3-րդ տեղը գրաված հավաքականների հաշվարկով: