Եվրո-2016. Չեխիա-Խորվաթիա. առաջին մարտական ոչ-ոքին

Եվրոպայի 2016թ. առաջնության D խմբի երկրորդ տուրում Չեխիայի հավաքականը «Ժեֆրուա-Գիշար» մարզադաշտում ընդունեց Խորվաթիայի ընտրանուն:

Հանդիպումը սկսեց խորվաթների մեծ առավելությամբ: Խաղի հաշիվը բացվեց առաջին խաղակեսի միջնամասում:

37-րդ րոպեին խորվաթ կիսապաշտպան Իվան Պերիշիչը փայլուն անցումից հետո շեշտակի հարվածով գնդակն ուղարկեց Պետեր Չեխի պաշտպանած դարպասը:

59-րդ րոպեին Իվան Ռակիտիչը նկատեց, որ մրցակցի դարպասապահ Պետեր Չեխն առաջ է եկել, գնդակը «կախեց» վերջինիս վրայով եւ կրկնապատկեց հանդիպման հաշիվը:

Չեխիայի ընտրանին «արթնացավ» երկրորդ խաղակեսի միջնամասում: 75-րդ րոպեին չեխ կիսապաշտպան Տոմաշ Ռոսիցկին փոխանցում կատարեց դեպի մրցակցի տուգանային հրապարակ, որտեղ Միլան Շկոդան գլխի հարվածով կրճատեց խաղի հաշիվը:

Հանդիպման վերջնամասում խաղը դադարեցվեց երկրպագուների ճայտրուկների պատճառով: Խաղը վերսկսելուց հետո դեռ ուշքի չեկած խորվաթները ձեռքով խաղացին իրենց տուգանային հրապարակում:

Գնդակին մոտեցած Տոմաշ Նեցիդը ուժեղ հարվածով անվրեպ է իրացնում նշանակված 11 մետրանոցը՝ ձեւակերպելով հանդիպման վերջնական հաշիվը:

Չեխիա - Խորվաթիա՝ 2:2

 

Գոլերը՝ Շկոդա (75), Նեցիդ (90, 11 մետրանոց) - Պերիշիչ (37), Ռակիտիչ (59)