Աժ-ում քննարկում են համայնքների խոշորացման օրենքը

Հայաստանի Աժ-ում քննարկում են համայնքների խոշորացման մասին օրենքը: Հունիսի 15-ին Աժ-ում տարածքային կառավարման առաջին փոխնախարար Վաչե Տերտերյանը հայտնել է, որ «Հայաստանի վարչատարածքային բաժանման մասին» օրենքում փոփոխությունների նախագծով առաջարկվում է խոշորացնել 12 համայնք: Դրանք ենթադրում են մի քանի հարեւան գյուղերի միավորում իրար կամ մոտակա քաղաքի հետ: Նոր համայնքները պետք է դառնան

Ալագյազն ու Ծաղկահովիտը Արագածոտնի մարզում ( որի մեջ 11-ական գյուղ կմտնի)

4 համայնք Շիրակի մարզում՝ Ամասիան, Աշոցքը, Սարապատը ու Արփին: Առաջին երկուսը մոտավորապես հիշեցնելու են Հայկական ԽՍՀ-ի Ամասիայի ու Աշոցքի շրջանները ( առաջին համայնքում կլինի 9 գյուղ, իսկ երկրորդում՝ 11), Սարապատի համայնքում 15 գյուղ կլինի, Արփիում՝ 9: Սնունիքի մարզում էլ 4 խոշոր համայնք կստեղծվի:

Մեղրին ( քաղաք մեղրին ու 12 գյուղեր), Գորիսը ( քաղաքն ու 9 գյուղ), Գորայքը ( 4 խոշոր տարածքով գյուղ), Տեղը (7 գյուղ):

3 համայնք Վայոց ձորի մարզում՝ Վայքը ( քաղաք Վայքը ու 4 գյուղ), Ջերմուկը ( քաղաք Ջերմուկը ու 3 գյուղ), Զարիթափը (9 գյուղ): Այստեղ քաղաքային կենտրոններով համայնքները նույնպես իրենց սահմաններով կհիշեցնեն նախկին խորհրդային շրջանները:

Համայնքների խոշորացման նպատակն է կառավարչական ծախսերի օպտիմալացումը:

Հիշեցնենք, որ փետրվարր կեսերին տեղական հանրաքվեներում ընդունվել են Լոռիի, Տավուշի ու Սյունիքի մարզերի համայնքների խոշորացման նախագծերը ( Թումանյան, Դիլիջան ու Տաթեւ համայնքներ): Այդ ժամանակ մեկ համայնքում միավորվել է միանգամից մի քանի գյուղ (առաջին երկու դեպքերում՝ քաղաքի՝ նախկին խորհրդային շրջկենտրոնի շուրջ):