«Եվրո 2016». Հունգարիան ֆիասկոյի ենթարկեց Ավստիային

Եվրո 2016-ի խմբային փուլի 1-ին տուրի նախավերջին հանդիպումը տեղի ունեցավ Բորդոյում: «Արմենպրես»-ը հաղորդում է, որ Ավստրո-Հունգարական դիմակայությունը ավարտվել է Հունգարիայի վստահ հաղթանակով 2-0 հաշվով:

Թիմերը խաղադաշտ են դուրս եկել այսպիսի մեկնարկային կազմերով.

Ավստրիա .Ալմեր, Դրագովիչ, Հինտերեգեր, Ֆուքս, Կլայն, Բաումգարտլինգներ, Հարնիկ, Յանուզովիչ, Ալաբա, Արնաուտովիչ, Յանկո

Հունգարիա .Կիրայ, Լանգ, Գուզմիչ, Կադար, Ֆիոլա, Նագի, Գերա, Կլայնհայսլեր, Ջուջակ, Սալայ, Նեմեթ:

Գլխավոր մրցավար `Կլեման Տուրպին 

Ավստրիայի և Հունգարիայի միջև կայացած հանդիպման 1-ին խաղակեսն անցավ ավստրիացների բացահայտ առավելությամբ: Թիմի առաջատար Դավիթ Ալաբան հենց հանդիպման մեկնարկից ցույց տվեց , թե ինչպես է տրամադրված  այս խաղում: Ժամացույցի սլաքը չէր հասցրել կատարել 1-ին պտույտը, երբ Ալաբայի հարվածից հետո Գաբոր Կիրայը ստիպված էր փայլել ողջ շքեղությամբ: Հունգարացի ամենատարեց դարպասապահը փրկեց իր թիմին:Ալաբա-Կիրայ հակամարտությունը նշմարվեց նաև 10-րդ րոպեին: Ու կրկին Կիրայը տեղում էր: Ալաբան զենքերը վայր  դրեց , գործի անցավ Զլատկո Յանուզովիչը: Հունգարիայի դարպասապահը կրկին անսխալ գործեց: Ավստրիան հերթական առաջխաղացումը կազմակերպեց  41-րդ րոպեին, երբ Մարկո Առնաուտովիչի փոխանցումից հետո դատարկ դարպասը չկարողացավ գրավել Մատին Հարնիկը: Այսքան կորցրած պահերից հետո Ավստրիան կարող էր պատժվել , սակայն Բալաշ Ջուջակը նպաստավոր դիրքից վրիպեց: Խաղակեսն ավարտվեց անարդյունք 0-0 հաշվով:

2-րդ խաղակեսը կարելի է վերնագրել «ավստրիական անհաջողություն» անվանումով : Ավստրիան գրոհեց, սակայն հաջողության հասնողները հունգարացիներն էին: Իսկ անհաջողությունը սկսվեց այսպես. նախ 55-րդ րոպեին Բալաշ Ջուջակի հարվածից հետո հիանալի խաղաց Ռոբերտ Ալմերը և փրկեց իր թիմին, այնուհետև իր մասին հիշեցրեց Ադամ Սալայը: «Մադրիդի Ռեալ»-ի երբեմնի սանը, ստանալով խորքից փոխանցում, մտավ տուգանային հրապարակ  և առանց ժամանակ կորցնելու 63-րդ րոպեին գրավեց Ավստրիայի դարպասը: Ավստրիացիները  վերջնականապես թևաթափ եղավ 66-րդ րոպեին, երբ Ալեքսանդր Դրագովիչը կանոնները խախտեց  Կադարի նկատմամբ և հեռացվեց խաղադաշտից:  Դրագովիչը դարձավ Եվրո 2016-ի առաջին կարմիր քարտ ստացած ֆուտբոլիստը: Ավստրիան առաջ նետվեց փրկելու խաղը, սակայն «աչքի տեղն ունքն էլ հանեց»: Հունգարիան արագ հակագրոհ կազմակերպեց և ձևակերպեց հանդիպման վերջնահաշիվը: Գոլի հեղինակ դարձավ Զոլտան Շտիբերը: 2-0 Հունգարիան հաղթեց և վաստակեց  3 միավոր: