Երեւանի կենտրոնում «Լեքսուսին» բախվելուց հետո «Նիվան» հայտնվել է մայթին. կան վիրավորներ
ՀԱՍԱՐԱԿՈՒԹՅՈՒՆՄինչ փրկարարների կանչի վայր հասնելը՝ «ՎԱԶ-2121» մակնիշի ավտոմեքենայի ուղեւոր՝ 18-ամյա Ն. Ա.-ն ինքնուրույն դուրս է եկել ավտոմեքենայից եւ հոսպիտալացվել «Էրեբունի» ԲԿ...
Հայաստանի ԱԻՆ-ում, այսօր՝ հունիսի 13-ին, ժամը 02.59-ին ահազանգ է ստացվել, որ Երեւանի Հանրապետության-Տպագրիչներ փողոցների խաչմերուկում տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Դեպքի վայր են մեկնել Ճգնաժամային կառավարման ազգային կենտրոնի օպերատիվ խումբը եւ երկու մարտական հաշվարկ:
Պարզվել է, որ բախվել են «ՎԱԶ-2121» (Նիվա) մակնիշի 084 OM 61 (վարորդ՝ 18-ամյա Ն. Ն.) եւ «Lexus RX330» մակնիշի 39 DO 333 (վարորդ՝ 46-ամյա Ց. Մ.) համարանիշների ավտոմեքենաները, ինչի հետեւանքով «ՎԱԶ-2121» մակնիշի ավտոմեքենան դուրս է եկել ճանապարհի երթեւեկելի հատվածից եւ հայտնվել մայթին:
Մինչ փրկարարների կանչի վայր հասնելը՝ «ՎԱԶ-2121» մակնիշի ավտոմեքենայի ուղեւոր՝ 18-ամյա Ն. Ա.-ն ինքնուրույն դուրս է եկել ավտոմեքենայից եւ հոսպիտալացվել «Էրեբունի» ԲԿ: Փրկարարներն ավարգելափակումից դուրս են բերել ուղեւոր՝ 18-ամյա Գ. Ա.-ին, ով այնուհետեւ հոսպիտալացվել է «Էրեբունի» ԲԿ:
Բժիշկները տուժածների առողջական վիճակը գնահատել են միջին ծանրության:
Փրկարարներն անջատել են «ՎԱԶ-2121» մակնիշի ավտոմեքենայի մարտկոցը:



