«Ժամանակ». Սուտ են Անիի՝ սիրեկաններ ունենալու պատմությունները. սպանված էքստրասենսի հարազատները հերքում են տարածված լուրերը

«6-րդ զգայարան»  հաղորդաշարի  սպանված էքստրասենս Անի Մաջնունյանի մարմինը  երեկ հողին   հանձնեցին: Թերթը զրուցել է էքստրասենսի հարազատների հետ:

««Ի՞նչ  գործ ունեն  անձնական կյանքի հետ՝ հատկապես, որ նա մահացած է և չի կարող պատասխանել դրանց»,- սրտնեղած նշեցին հարազատները՝ հորդորելով հանգիստ թողնել Անիին և նրա շրջապատին ու ստահոդ լուրերով էլ ավելի ցավ չպատճառել  սգի մեջ գտնվող հարազատներին:

«Ապշած ենք, չենք կարողանում հասկանալ՝ ինչպես կարող են  էդ տեսակ մարդու մասին ըտենց բան գրեն, ի՞նչ էր արել. ինչ խուլիգանություն ասես՝ գրում են: Գաբրիելի մոր ելույթներն էլ հերյուրանքներ են, ո՞վ է թույլ տվել, ինչպե՞ս կարելի է մահացած կնոջ հասցեին նման հերյուրանքներ գրել»,- նշեցին նրանք:

Հարազատները շեշտեցին, որ ոչ միայն սուտ են  Անիի՝ սիրեկաններ ունենալու պատմությունները, այլև այն, որ Անին իր Երևանի բնակարանը նվեր է  ստացել: «Իր մայրը Հոկտեմբերյանի տունը  վաճառել է՝ էդ տունը առել»,- պնդեցին նրանք:

 Անի Մաջնունյանի սպանության մեջ մեղադրվող Մուշեղ (Մխիթար) Մխիթարյանը հայտնի պատմաբան, լեզվաբան Մովսես Նաջարյանի որդին է: Ըստ ԶԼՄ-ներում տարածված տեղեկութոյւնների՝ Մուշեղի հորեղբայրն էլ հոգևորական է, ծառայում է Ավստրալիայի եկեղեցիներից մեկում, հայտնի է որպես Հայկազուն եպիսկոպոս Նաջարյան»,–գրում է թերթը։

 Մանրամասները՝ թերթի այսօրվա համարում։