Հուլիսին, ըստ վիճակագրության, մրգերի գները նվազել են 29.1 տոկոսով

Այս տարվա հունվարին արձանագրված գնաճին հաջորդող ամիսներին գների  նվազման միտում է արձանագրվել: Այս մասին այսօր՝ օգոստոսի 7-ին, լրագրողների հետ զրույցում ասաց ՀՀ ԱՎԾ գների վիճակագրության բաժնի պետ Գուրգեն Մարտիրոսյանը:

Գուրգեն Մարտիրոսյանը նշեց, որ հանրապետությունում հուլիսին հունիսի համեմատ մրգերի գները նվազել են 29.1 տոկոսով: Նրա խոսքով՝ կարտոֆիլը էժանացել է 10.7, հավկիթը՝ 5.3, հացամթերքը՝ 0.3, մսամթերքը՝ 0.7, ձկնամթերքը՝ 0.4 տոկոսով: Սուրճը, թեյը, կակաոն էժանացել են 0.2, շաքարավազը՝ 2.5 տոկոսով:

Գուրգեն Մարտիրոսյանը նշեց, որ հրուշակեղենի գնաճ է արձանագրվել 0.3 տոկոսով: 0.2 տոկոսով աճել են ոգելից խմիչքի և ծխախոտի գները: