Փարիզի ահաբեկիչները հարձակումներ Էին ծրագրել Ֆրանսիայի մի քանի քաղաքներում

 Նոյեմբերիտ 13-ին Փարիզում ահաբեկչական գործողությունների կատարման գլխավոր կասկածյալ Սալահ Աբդեսլամը գրոհներ Էր ծրագրել Փարիզի Դեֆանս գործարար թաղամասի, Թուլուզի օդանավակայանի, Լիլի թանգարանի եւ Սեն Նազեր ծովամերձ քաղաքի կամրջի վրա: Այդ մասին մայիսի 25-ին հայտնել Է BFMTV հեռուստաալիքը: Իրենց մտադրությունների իրականացման համար ահաբեկիչները պլանավորում Էին օգտագործել մահապարտների, պայթուցիկ սարքեր, անօդաչու թռչող ապարատներ եւ նույնիսկ ականապատ ինքնաթիռ:

Ահաբեկիչների ծրագրերի մասին տեղեկատվությունը քննիչներն ստացել են՝ ուսումնասիրելով Աբդեսլամի համակարգիչը, որը տակավին մարտ ամսին բռնագրավվել Էր Բելգիայի Ֆորեի կոմունայում: Բացի նոր ահաբեկչական գործողությունների մասին ծրագրերից, համակարգչում նաեւ կա ահաբեկիչ Մոհամեդ Մերայի տեսագրությունը, որը 2012 թվականին Թուլուզում հարձակում Էր գործել հրեական դպրոցի վրա:     

2015 թվականի նոյեմբերի 13-ի երեկոյան ահաբեկիչների երեք  խմբեր մի շարք հարձակումներ գործեցին Փարիզում եւ նրա Սեն Դենի արվարձանում: Ընդհանուր առմամբ ահաբեկչական գործողությունների զոհ դարձավ 130 մարդ, վիրավորվեց ավելի քան 350 հոգի: Իբրահիմ Աբդեսլամն, ինչպես հաղորդվել Է, 2015 թվականի նոյեմբերին իրեն պայթեցրեց Փարիզի Վոլտերի ճեմուղիում:    

Սալահ Աբդեսլամին բռնեցին մարտի 18-ին Բրյուսելի Մոլենբեկ կոմունայում՝ հատուկ գործողության ընթացքում: Ոստիկանները նրան վիրավորել Էին ոտքից, հաղորդել Է ՌԻԱ Նովոստին: