Աշոտ Ղուլյանը կարևորել է ժողովրդավարական արժեհամակարգը կրող ժողովուրդների աջակցությունը Արցախի պայքարին

ԼՂՀ Ազգային ժողովի նախագահ, «Ղարաբաղ-Ֆրանսիա» բարեկամության շրջանակի ղեկավար Աշոտ Ղուլյանը մայիսի 24-ին  ընդունել է «Ֆրանսիա-Ղարաբաղ» բարեկամության շրջանակի նախագահ, Ֆրանսիայի Ազգային ժողովի պատգամավոր Ֆրանսուա Ռոշբլուանին և «Ֆրանսիա-ՀÕ �յաստան» բարեկամության խմբի նախագահ Ռենե Ռուքեին:

Ողջունելով հյուրերին՝ խորհրդարանի նախագահը բարձր է գնահատել «Ֆրանսիա–Ղարաբաղ» բարեկամության շրջանակի գործունեությունը, մասնավորապես՝ նրա ղեկավար կազմի կողմից ընդունված որոշումը՝ Արցախ այցելելու և  անմիջապես տեղում տեղեկություններ ստանալու մտադրությունը:

Այնուհետև հանդիպումը շարունակվել է խորհրդարանի նիստերի մեծ դահլիճում: Ընդլայնված կազմով հանդիպմանը մասնակցում էին ԱԺ պատգամավորներ, կառավարության անդամներ, գիտակրթական և  հասարակական կազմակերպությունների ներկայացուցիչներ:

Ինչպես «Արմենպրես»-ին տեղեկացրին ԼՂՀ Ազգային ժողովի մամուլի ծառայությունից,  «Ֆրանսիա-Ղարաբաղ» բարեկամության շրջանակի նախագահ Ֆրանսուա Ռոշբլուանն իր ելույթում նշել է, որ իրենց համար շատ կարևոր է ապրիլին Ադրբեջանի կողմից ծավալած ագրեսիայի հետևանքներին տեղում ծանոթանալու և փաստացի տեղեկությունները «Ֆրանսիա-Ղարաբաղ» բարեկամության շրջանակի, ինչպես նաև ֆրանսիական իշխանություններին և հասարակությանը ներկայացնելու  հնարավորությունը:

«Այսօր այցելելով սահմանամերձ բնակավայրեր և առաջնագիծ՝  մենք տեսանք, որ այնտեղ իրենց հողն ենպաշտպանում երիտասարդ զինվորներ, ովքեր հրադադարից հետո են ծնվել, սակայն ունեն իրենց  հայրենիքըպաշտպանելու պատրաստակամություն և խիզախություն», -նշել է Ֆրանսուա Ռոշբլուանը:

«Ֆրանսիա-Հայաստան» բարեկամության խմբի նախագահ Ռենե Ռուքեն իր գոհունակությունն է հայտնել Արցախում գտնվելու համար և նշել, որ իրենք փորձում են լայնածավալ աշխատանք տանել  ինչպես ֆրանսիացի իրենց գործընկերների, համակուսակիցների, այնպես էլ այլ կուսակցությունների ներկայացուցիչների շրջանում՝ Ադրբեջանական լոբբինգին հակազդելու և իրականությունը տեղ հասցնելու համար:

«Ադրբեջանը, ապրիլյան դեպքերից հետո, փորձում էր ԵԽԽՎ-ում միակողմանի նախագծեր ներկայացնել, որոնքսակայն մերժվեցին: Կարծում եմ, մենք պետք է կրկնապատկենք մեր ջանքերը՝ տեղի ունեցածի մասին իրականտեղեկատվություն մատուցելու համար»,-ընդգծել է Ռենե Ռուքեն:

Ամփոփելով հանդիպումը՝ Աշոտ Ղուլյանը հավաստիացրել է, որ անկախ նետված մարտահրավերների ձևից և բովանդակությունից, Արցախը շարունակելու է պայքարը հանուն ժողովրդավարական արժեքների ու ազատության, և այդ պայքարում շատ կարևոր է նույն արժեհամակարգը կրող ժողովուրդների անվերապահ աջակցությունը: