Wnews.am-ի ամսվա ամենանորաձև աղջիկը

Wnews.am-ը գրում է.

Մանե Բաղդասարյանը  Wnews.am– ի ապրիլ  ամսվա ամենանորաձև աղջիկն է: Օրվա look-ը բաժնում այս աղջկա լուսանկարն ամենաշատ ձայները ստացավ:

-Ողջույն Մանե  կպատմե՞ս քո մասին:

-Ողջույն, ինձ դիմում են երկու ձևով և՛ Մանե (իրական անուն) և՛ Միրիամ: Նախընտրում եմ Միրիամը, որովհետև հայկական շրջանակներում չհանդիպող և բավականին գեղեցիկ անուն է: Պաշտում եմ Իսրայելը, նրա արվեստը և ամեն ինչ կապված նրա մշակույթի հետ: Շուտով կհաճախեմ հրեական դասընթացների: Տիրապետում եմ 3 լեզուների`հայերեն, ֆրանսերեն, անգլերեն (շուտով նաև՝ եբրայերեն): Կիսաձևավորված մասնագիտություն ունեմ`երգում եմ, եթե կուզեք իմ երաժշտական աշխատանքներին ծանոթանալ կարող եք մտնել հետևյալ հղումով`https://youtu.be/NVO-6pv4cek : Հաճախում եմ Հակոբ Կոջոյանի անվան գեղարվեստի դպրոց և շատ եմ մտահոգվում, երբ հիշում եմ, որ այս տարի ավարտում եմ, քանի որ շատ եմ կապվել և՛ ուսուցիչներիս, և՛ դաաընկերներիս հետ.արվեստանոցը,փոշին,ներկի հոտը, ընկեր Ալիկի (նկարչության մեր վարպետի) հումորները,դիտողությունները: Այդ խաղաղ մթնոլորտում նկարելը ինձ ամբողջովին լիարժեք էր դարձնում: Սիրում եմ նվագել և հաճախում եմ նաև Ալեքսեյ Հեքիմյանի անվան երաժշտական հաստատություն՝ դաշնամուրի բաժինը:

 -Ինչպե՞ս առաջին անգամ հետաքրքրվեցիր նորաձևությամբ եւ ինչու՞ է դա քեզ համար կարեւոր:

-Ոչ թե նորաձևության հետևելն է կարևոր, այլ՝ տվյալ մարդու խնամքը ինքն իր նկատմամբ, դրանից է կախված և ՛նրբանկատորեն նորաձևությանը համապատասխան հագնվելը, և՛ նորաձևությունը յուրովի ընկալելը:

-Ոճդ ինչպե՞ս կբնութագրես :

– Դասական և, միաժամանակ, բավականին փոփոխական: Ես ուրախ մարդ եմ, բայց իմ հագնվելու ոճն այդքան էլ չի համապատասխանում իմ բնավորությանը: Ոճս այդքան էլ կենսուրախ չէ, եթե կարելի է այդպես ասել:

-Ո՞րն է ամենատպավորիչ վայրը, որտեղ երբևէ եղել ես:

-Ամեն վայր էլ տպավորիչ է, երբ մարդու աչքերն են գնահատում գեղեցիկն ու տպավորում իրենց մեջ արտասովորը :