Տարբեր անձինք փորձում են խեղաթյուրված տեղեկություն տարածել մեր անունից. Մաքսիմ Սարգսյան

Ինչպես երեկ էինք տեղեկացրել, «Ո´չ թալանին» քաղաքացիական նախաձեռնությունը հայտարարություն էր տարածել այն մասին, որ պատրաստ է «Ո´չ թալանին» քաղաքացիական նախաձեռնության պաշտոնական վեբ կայքը՝ vochtalanin.am ինտերնետային կայքը:

Այս կապակցությամբ մենք զրուցեցինք նախաձեռնող խմբի անդամ Մաքսիմ Սարգսյանի հետ:

- Վերջին շրջանում պայքարի դաշտն ազատ է, այսինքն՝ կոնտրետ գործողություններ չկան, սակայն դուք բացել եք կայք, ինչը ենթադրում է նոր ծրագրերի առկայություն: Ունե՞ք պլաններ, և եթե այո, կներկայացնե՞ք:

- Կայք ստեղծելու գաղափարը վաղուց կար, պարզապես հիմա ստացվեց: Ինչ մնում է դաշտի հանգիստ վիճակին, դա ժամանակավոր բնույթ է կրում: Ապագա անելիքների մասով կլինեն հայտարարություններ, այս պահին խաղաքարտեր չենք բացում:

- Ո՞րն է կայքի հիմնական նպատակը, գործառույթը: Ի՞նչ նպատակով է բացվել կայքը:

- Կայքի հիմնական նպատակն է մեկտեղել այն ամբողջ տեղեկատվությունը, որը կապված է մեզ հետ, քանի որ հաճախ տարբեր կայքեր ու տարբեր անձինք փորձում են խեղաթյուրված տեղեկություն տարածել կամ հայտարարություն անել «Ո´չ թալանին» նախաձեռնության անունից, իսկ հիմա բոլոր պաշտոնական հայտարարությունները կլինեն տեղադրված կայքում:

Զրուցեց Արուսիկ Տիգրանյանը