Օլանդը հավաստել Է, որ EgyptAir-ի A320 ինքնաթիռը աղետի Է ենթարկվել

Ֆրանսիայի նախագահ Ֆրանսուա Օլանդը հավաստել Է, որ EgyptAir ավիաընկերության A320 ինքնաթիռը, որը կատարում Էր Փարիզ-Կահիրե չվերթը, աղետի Է ենղթարկվել: Նա համապատասխան հայտարարություն Է արել ուղիղ հեռուստաեթերում ելույթ ունենալով Ելիսեյան պալատից:

«Այն տեղեկատվությունը, որը մեզ հաջողվել Է մինչ այժմ հավաքել, վկայում Է, որ ինքնաթիռը, ցավոք, կործանվել Է»,-ասել Է նախագահը:

«Մենք չենք ժխտում ոչ մի վարկած, բայց որեւԷ մեկին նախապատվություն չենք տալիս»,-նշել Է նա: «Անհրաժեշտ Է պարզել պատահածի բոլոր մանրամասները, որոշել՝ աղետ Է դա եղել, թե ահաբեկչական գործողություն»,-հավելել Է Օլանդը:

Ֆրանսիայի նախագահը հայտնել Է, որ Միջերկրական ծովում կորած եգիպտական հանրանավում Ֆրանսիայի 15 քաղաքացիներ են եղել: Նա նշել Է, որ Ֆրանսիան «ինքնաթիռներ ու նավեր կուղարկի աղետի ենթադրյալ շրջան, որպեսզի, գործելով Եգիպտոսի ու Հունաստանի իշխանությունների հետ համատեղ, որոնի օդանավի բեկորները, որոնք թույլ կտան պարզել տեղի ունեցած պատճառները»:

Նախագահը ցավակցություն Է հայտնել ավիաաղետի հետեւանքով զոհված ուղեւորների հարազատներին ու մերձավորներին:

Ինչպես արդեն հաղորդվել Է, EgyptAir ավիաընկերության A320 մարդատար ինքնաթիռը, որը Փարիզից ուղեւորվել Էր Կահիրե, դիսպետչերների ռադարներից անհետացել Է՝ գտնվելով Եգիպտոսի օդային տարածքում:

«Ալ Յաում աս Սաբիա» լրատվական պորտալի տվյալներով՝ հանրանավի որոնումները շարունակվում են արդեն մի քանի ժամ: Ստացվող տեղեկատվության համաձայն՝ Միջերկրական ծովի ջրատարածքում գործում են Եգիպտոսի եւ Հունաստանի ռազմածովային ուժերի նավերը, որոնք ստուգում են այն շրջանը, որտեղ կտրվել Է կապը ինքնաթիռի հետ (Եգիպտոսի ծովափից 280 կիլոմետր հեռավորության վրա): Որոնողական գործողությանը մասնակցում Է նաեւ երկու երկրների ավիացիան:

Ինչպես ավելի վաղ հայտնել Է «Ֆրանսպրես» գործակալությունը, A320-ը կործանվել Է հունական Կարպատոս կղզու շրջանում: Միջադեպի հնարավոր պատճառների մասին պաշտոնական տեղեկատվություն առայժմ չի ստացվել:

Ըստ վերջին տվյալների՝ օդանավում եղել Է 56 ուղեւոր՝ 12 պետություններից, ինչպես նաեւ անձնակազմի տասն անդամներ:

Al-Masry Al-Youm հրատարակությունը, վկայակոչելով Եգիպտոսի իշխանությունների ներկայացուցչին, հայտնել Է, որ ազդանշան Է ստացվել կորած ինքնաթիռի սեւ արկղից: Ոչ մի այլ տվյալ տեղեկատվական պորտալը չի նշում: Դրա վերաբերյալ պաշտոնական հայտարարություններ չկան, հաղորդել Է ՏԱՍՍ-ը: